京都景點｜瑠璃光院 京都楓葉必到！夢幻楓葉美景 去到日本，除咗食之外，最吸引人嘅就係當地美景，特別係秋天嘅時候，好多外國人都會特登去日本欣賞楓葉。位於京都嘅八瀨瑠璃光院都係其中一個可以欣賞楓葉嘅著名景點。特別嘅係，好多時欣賞楓葉嘅最佳位置都應該係位於室外，而呢到竟然係室內。走到瑠璃光院入面嘅二樓觀賞大廳，你會發現入面嘅檯同埋地板都打哂蠟，非常有光澤，窗外嘅紅葉美景同時反映喺檯面同地板上面，感覺就好似天空之鏡咁，非常夢幻。如果想去朝聖一下嘅話，記得瑠璃光院並唔接待旅行團團體購票，就算係團體同行參觀，都必須要逐個排飛買票。 ▲瑠璃光院嘅入場費係每人2000日圓，而秋季特別開放拜觀時間就係由10月初至年底12月，想欣賞到漫天紅葉嘅人記得早啲買定機票啦！ ▲由室內望出室外，感覺就好似一幅畫咁，心境都會變得特別平靜。 ▲經過打蠟嘅地板同檯面，將外面嘅楓葉美景反映出嚟，成為室內版本嘅天空之鏡。 ▲要保持地板咁有光澤，一定要每日都打掃到一塵不染，咁先可以營造到天空之鏡嘅效果。 ▲由於係室內環境，空間比較有限，喺遊客數目多嘅時候，就可能需要耐心等候多一段時間，先可以搵到靚位影自己鍾意嘅畫面。 京都八瀨瑠璃光院 地點：京都府京都市左京區上高野東山55番地 開放時期：2024年10月1日（星期二）～2024年12月15日（星期日） 開放時間：10:00am – 17:00pm （接待至16:30）官方網站：http://rurikoin.komyoji.com/ 費用：2,000日圓 前往方法：乘坐叡山電車嘅叡山本線（綠色線），喺路線終點八瀬比叡山口駅落車，沿住高野川步行約莫500公尺即可抵達。或者搭京都巴士10、16、17、18、19路線嘅話，喺「八瀬駅前」站牌落車，步行約600公尺都可以到達。 文字來源：香港人遊香港/ 圖片來源：@littleflowernyc、bravoman.ys、bei6667、zakohbou0480...
