10款餡料咁多！！ 葵廣好野食真係食成年都唔完！今次小編到訪呢間小店專賣日式超巨型大丸子，呢個比一般小丸子放大左8倍，名為「炸彈燒」既元祖口味更足足有10款餡料，椰菜、蘿蔔絲、雞髀菇、煙肉、章魚、 蝦、蜆肉同脆皮腸，廚師仲特意加入香港人最愛既鵪鶉蛋加強口感。唔止用料十足，粉漿仲經過師傅調較，所以食落唔會好糊，一d都唔膩！ ▲小編經過比呢個炸彈燒模型吸引住！8倍咁大既炸彈燒！淨係影相呃like都抵！ ▲日式元祖炸彈燒($28)成個拳頭咁大既炸彈燒，加入椰菜、蘿蔔絲、雞髀菇、煙肉、章魚、 鵪鶉蛋、蝦、蜆肉同脆皮腸之後，仲需要不斷加入粉漿同轉動佢，大約15分鐘先會製作好！ ▲炸彈燒呢個concept完全來自日本，而製作一個炸彈燒就需時15－20分鐘，外表燒到金黃色，就可以加醬汁食得！ ▲小編今次揀左火灸芝士(+$8)，將原片芝士鋪上，之後用火槍燒而芝士微燶及半溶，最後加上章魚燒汁、蛋黃醬、木魚絲及紫菜！嘩，原來真係會著火架！ ▲等左15分鐘，終於有得食呢個日式元祖炸彈燒喇！ ▲切開表面半溶微咸芝士，滲入熱辣辣既微脆外皮，再次見到內餡勁豐富！一試呢個炸彈燒，粉團唔會太厚，混和燒汁食非常開胃！ ▲金坂瀛位於葵廣3樓Top世界，每逢星期六日都有好多人幫襯！ 金坂瀛日本料理 地址 ：葵芳葵富路7號葵涌廣場3樓Top世界3069-T16及T17號舖電話：6803 2511 文字／圖片來源：香港人.遊香港...