SHIBUYA109進駐銅鑼灣開始港島區首間分店「THE SHIBUYA109 STORE」，多款人氣品牌進駐包括韓國人氣品牌chuu、日系甜美風ROJITA和LEGiT byお世話や飾品，大家新年不妨去買番啲新衫褲鞋襪過年喇！ ▲韓國人氣品牌chuu ▲ chuu 最出名就係-5kg褲子，大家不妨過嚟買番條喇！ ▲日系甜美風ROJITA ▲可愛嘅啤啤熊系列衛衣和水手連衣裙。 ▲更有格仔短裙。 ▲LEGiT...
角落小夥伴粉絲有福喇！日本的超人氣卡通 角落小夥伴™療癒登陸時代廣場主題精品店「FUNNATION 玩物國度」，成為首個鎮店主題，誓要於鬧市中打造角落小夥伴集中地！店舖以淺藍、白兩色及草地為主調，配合角落小夥伴打造出治癒系可愛風， 場內更發售逾百款角落小夥伴精品，包括大量實用家品、充電器、抱枕、珪藻土地墊、文具、廚房用具等。另外，更獨家首賣一系列的日式新春賀年食品及糕點，傳統食品換上討人歡心的包裝。 ▲全新的角落小夥伴主題店登陸銅鑼灣，店舖以淺藍、白兩色及草地為主調，仲有企鵝係門口歡迎大家。 ▲店內主打的角落小夥伴粒粒公仔隨意瓶，可以自選喜歡的公仔放進隨意瓶內 。 ▲角落小夥伴公仔隨意揀系列，可以自選喜歡的公仔放進產品的指定位置內 。 ▲角落小夥伴™珪藻土地墊 ($299) ▲大量廚房家品...
位於灣仔利東街將開設全新日本Fueki漿糊仔首間海外概念店，讓大家在港都能感受日本文化！當中包括防疫專區、護膚品及禮品區、食品區及祈願區集結多款日本限定及香港限定人氣文具、甜點、護膚品、衛衣等周邊產品，現場更有Fueki漿糊仔人氣香濃粟米味爆谷發售！ ▲人氣香濃粟米味爆谷，新鮮熱辣~有紙桶裝和大桶裝。 ▲食品區方面仲有玉米布丁。 ▲日本直送產品，包括飯素、軟糖、海苔、 ▲香港限定產品，例如：公平貿易手沖咖啡包。 ▲高效保濕霜，分別有清香（圖左）、馬油（圖中）兩個版本，馬油洗面膏（圖右）。 ▲高效保濕霜（藥用認證），有效舒緩濕疹、凍傷、粉刺或紅斑等敏感不適症狀。 ▲護膚品方面有護手霜、面霜、乳液和身體乳，都係日本製，大部分更添加馬油、乳木果油、維他命E等滋潤保濕成份。 ▲防疫專區，有Fueki經典印花口罩（成人款和中童款）、Sunlight彩色口罩。 ▲禮品區，有鴨舌帽（紅色/黑色），仲有手巾仔、童裝襪和女裝襪。 ▲防菌塗層衛衣藍色，圖案用上防菌噴霧技術。 ▲防菌塗層衛衣灰色，圖案用上防菌噴霧技術。 ▲祈願區，買滿$500仲可以送你一塊祈願板寫上自己新年祝願或願望。 文字來源：香港人遊香港...
藍屋建築群位於灣仔嘅鬧市之中，一點藍色非常突出，為市區增添亮麗色彩！藍屋建築群建於1920年，2006年經過活化之後，除咗保留唐樓建築特色，建築群之間亦加入新嘅遊廊，貫穿三棟建築物！ 藍屋更加奪得2017年度聯合國教科文組織（UNESCO）亞太區文化遺產保護「卓越大獎」，係香港第一次獲得此級別嘅文物保育項目！除咗打卡，大家都可以去設於「藍屋」地鋪嘅 「香港故事館」睇展覽，了解屹立一百年嘅藍屋故事！ ▲ 藍屋本身並唔係藍色，1990年代，香港政府要翻身藍屋，但係物料庫得返水務署常用嘅藍色油漆，所以最後就將整座藍屋就油成藍色！ ▲ 原址曾經係醫院、跌打館等，牌匾俱在，唔少人喺牌匾門前打卡影相！ ▲ 因為藍屋仲有居民居住，所以影相還影相，唔好亂走打擾到入面嘅居民！ ▲ 除咗打卡，大家都可以睇下設於「藍屋」地鋪嘅 「香港故事館」展覽，了解屬於灣仔同香港嘅歷史故事！而且主題不時更換，每次都新鮮！...
行過金鐘至灣仔嘅維港海濱長廊，發現咗超吸睛嘅微型藝術作品！作品由「安泰的微型工作室」製作而成，主題為「家」，展現咗老香港嘅舊情懷！除咗有巨型大牛龜同迷你電視機畀你打卡，欣賞維港美景之餘都可以慢慢發掘其他作品，全部作品製作精細，唔知可唔可以勾起你嘅童年回憶呢？一齊放慢腳步，慢慢感受！ ▲ 迷你電視機同大牛龜，打卡好正！ ▲ 1:12 家的時光盒子：「今年夏天」 ▲ 製作好精細，一手一腳製作絕不馬虎！ ▲ 好多童年回憶！ ▲ 以前成日睇嘅Yes雜誌都完美複製！...
港島人有福了！激安殿堂（驚安之殿堂）Don Don Donki 全港第３分店將於聽日（7月7日）喺銅鑼灣上線，仲足足有４層咁高，係三間分店之中最大間！以後港島人唔需要再過海，買嘢更方便！小編率先同大家現場直擊有咩抵買啦！ ▲ Ｄonki X 日清特別版薯片 ▲ $100兩條鰻魚，抵啊！ ▲ 關東煮攤位，每樣$6蚊起！ ▲ 懷舊零食，都係$5！ ▲平價零食 ▲ $35 兩杯雪糕 ▲ 印有Donki吉祥物的手巾 驚安の殿堂唐吉訶德（銅鑼灣名珠城店） 地址：銅鑼灣百德新街22-36號名珠城1-4樓開幕日期：7月7日 10am營業時間：24小時 文字來源 / 圖片來源：香港人遊香港...
灣仔日月星街區轉角有間文藝小店 – 白做研究所 ，由台南開返黎香港。主要係文青最愛既選品店，主要係小品插畫家、設計師一些作品，大多呈現係Tote Bag、掛畫、Tee等，將生活美學融入日常。多年儲落唔少捧場客，小店同時亦係展覽講座、工作坊交流平台，希望多方面引起生活日常既共嗚！小店品牌分香港、台南兩邊業務，希望集更多來自五湖四海、素不相識既同路人互相認識。 ▲ 夫婦及另一位台灣女生首先係台南開設「白做」，再因展覽將呢個品牌帶回香港。 ▲ 小店經常引入唔同藝術插畫師作品。 ▲ 作品除左牆壁擺設以外，大多都係生活用品。 ▲ 小店唔算面積好大，卻比人舒適既感覺。小店不時會有展覽同workshop，詳情可以多留意佢地facebook 同ig ▲ Kata Kata以日本傳統染布技術設計創作，治癒版鯨魚、貓、野豬陶瓷碟都好受歡迎。...
對女仔嚟講，首飾唔怕多，出街shopping買首飾係最好嘅娛樂活動。Codalab Accessory就係一間近期好hit嘅首飾店，9月初喺銅鑼灣開咗第一間分店之後，陸續都喺尖沙咀同沙田開設分店。呢間首飾店有成超過5000款首飾，店入面由首飾砌成嘅首飾牆有成差唔多2米高，揀首飾之前影低咁震撼嘅畫面嚟打卡就啱哂。重要嘅係，咁多款首飾都係由香港設計師同多間韓國知名首飾設計及製造商合作設計而成，作為香港人梗係要撐下自己嘅設計師啦！而家又臨近聖誕，男朋友們都可以去呢間店到睇定有咩首飾啱女朋友，唔怕到時兩手空空乜都冇！ ▲首飾店嘅裝修行簡約風，夠哂文青。 ▲首飾牆仲高過個人，真係shopping最佳好去處。 ▲超過5000款首飾有耳環、頭飾同髮夾等，價錢由$59至$299不等，部分更加係純銀添！ ▲唔怕冇款啱自己，最怕太多款想買。 ▲有個籃仔可以用嚟裝住啲首飾。 ▲店入面仲設有休息區，有水供應，陪女朋友入嚟行嘅男士們唔怕冇地方坐了。 Codalab Accessory 銅鑼灣店地址： 銅鑼灣軒尼詩道477號地舖營業時間：10:30...
貓貓Café狗狗Café大行其道，全因為好多香港人都愛心氾濫，好鐘意佢地。 Poodle就係好多人既最愛，呢間cafe就參考左外國營運概念，提供平台比客人同狗狗近距離接觸同相處，呢度狗狗種類小型去到茶杯貴婦都有！狗狗都好痴人，外型超cute！ 入面其實係冇野食既，收費以30分鐘計算，一個收費包一盒飲品，可以比大家十五十六養狗仔之前，再體驗下做狗主既樂趣。 ▲呢度有好多唔同款既poodle，佢地都相當活躍。 ▲poodle勁可愛，真係打卡玩狗狗玩到唔捨得走。 ▲入cafe 之前需要除鞋 ▲小狗好鐘意同大家影相打卡 ▲小狗好鐘意同大家影相打卡，每月會安排獸醫作檢查，都有輪更制，務求令狗狗有足夠休息之餘 Teddy & Poodle Cafe 地址：銅鑼灣富明街1-5號寶富大廈2A 電話：64486881 營業時間：12:00-9:00 文字來源：香港人.遊香港／圖片來源：@lainy1022、@christymcchong、@vanessaaaawong ]]>...
