喺天下茶屋附近有一間人氣爆燈嘅居酒屋，原因係佢地嘅超足料一人火鍋料理，每個鍋啲餸堆到成座小山咁，超級足料，而且用料仲非常新鮮，好似蠔鍋就係冬季限定，蠔唔肥美唔用，加上價格相宜，所以平時都大排長龍㗎！
▲位於西成區天下茶屋嘅「すき焼･鍋物 なべや」係一間火鍋店，同時亦係一間居酒屋，其一人鍋超受歡迎，所以成日都吸引區內司外嘅人大排長龍！
▲冬季限定嘅味噌蠔鍋每年只供應到4月，見到一粒粒肥美飽滿嘅生蠔整齊咁圍滿晒鍋邊，賣相簡直係100分呀，味噌湯配合埋蠔嘅鮮甜，簡直一流。
▲另外「牛肉鐵鍋」亦係必點之一，滿滿嘅牛肉片，加上自家製壽喜燒汁，按自己喜好同底下嘅芽菜炒熟之後，沾上蛋黃汁，入口即溶嘅感覺令人幸福滿滿。（牛肉鍋每日限量供應，要食記住早啲黎排喇！）
▲另有其他豬、雞、魚嘅鍋物供應，梗有一款岩你心水，所有鍋物價位都只係$60至$80左右，非常抵食！但要留意番每人最少要點一杯飲品！
すき焼･鍋物 なべや
地址：大阪府大阪市西成区天下茶屋北 2-6-5
時間：14:00-21:00
文字來源：香港人.遊香港／圖片來源：互聯網