最近喺日本Instagram有一間紅到不得了嘅雪糕店，佢就係「動物園THE ZOO」喇！雖然睇相試唔到咩味，不過單睇外表就已經夠晒吸引啦，因為佢係以唔同動物嘅造型做主題，可愛得黎又少女味十足，難怪吸引咁多人特登去打卡啦！
▲「動物園The Zoo」就位於裏原宿嘅原宿電器商會旁邊，見到呢座咁Pink嘅自動販賣機就係佢地嘅所在地喇！呢度嘅店員被稱為動物飼養員，因為佢地嘅雪糕全部都係用動物造型㗎！
▲動物雪糕一共有5款造型，分別係粉紅豬、熊貓、老虎、小飛象同無尾熊。
▲熱賣款式粉紅豬係士多啤梨味雪糕，加埋粉紅色嘅棉花糖，真係超少女風，好可愛呀！
▲所有雪糕均一價500Yen(連稅)，每款造型都非常有心思，不過小店溫提，影相之餘記得快點食喇，溶咗恕不退換㗎！
どうぶつえんTHE ZOO
地址：東京都渋谷区神宮前3-20-7
時間：11:00-19:00
文字來源：香港人.遊香港／圖片來源：互聯網