【日本 | 東京。飽覽東京灣美景🌊人工島海之螢火蟲】

海之螢火蟲(海ほたる)係東京灣上嘅人工島,亦係連接「千葉縣木更津市」同「神奈川縣川崎」間嘅通道休息站,1至3樓為停車場,4至5樓則為餐廳、商店同展望台,除咗可以飽覽東京灣嘅美景之外,天氣好個陣仲可以睇到富士山添!

▲海之螢火蟲喺建立之前,如果想由房總半島前往神奈川,除咗搭渡輪之外,就必須繞過東京灣先可以到達,喺展望台上可以360度觀賞東京灣兩側嘅風景。

▲海之螢火蟲喺建築設計上相當特別,停車場、海平面與公路相互交錯,營造出郵輪甲板嘅視覺效果。

▲海之螢火蟲全長650公尺、樓高5層,1至3層為停車場,4及5層則為餐廳、商店、休閒設施同展望台。其中4樓嘅Starbucks唔單只可以眺望到優美嘅海景,仲有當地嘅限定商品賣添。

▲除咗朝早嘅海景之外,夜晚嘅海之螢火蟲亦都別有一番風味,晚上時份,島上就會點開動戶外照明設備,搭配公路上嘅車燈,喺漆黑中閃爍著獨特嘅光芒。

海之螢火蟲

地址:千葉縣木更津市中島地先海ほたる

文字來源:香港人.歎世界/圖片來源:互聯網