【日本 | 東京。最誘人蛋汁撈飯🥚高圓寺炸蛋天丼】

小編去到日本其中一樣最鍾意嘅食物就係蛋,呢間位於高圓寺嘅天婦羅小店,最出名就係炸蛋天丼,拮開香脆嘅外皮,誘惑嘅蛋汁同溫暖嘅飯粒混合之後,簡直係人間美味呀!

▲高圓寺屬於住宅區,以炸蛋天婦羅聞名嘅「天すけ(天助)」就位於高圓寺車站附近嘅巷仔入面,店仔細細,一眼睇曬,大約只有十個座位。

▲招牌炸蛋天丼係人氣菜式(1800Yen)

▲師傅會將成粒雞蛋掉入去熱油鍋度炸,外層嘅蛋白焦黃酥脆,內層嘅蛋黃就被炸至半熟流心。

▲店入面係Bar枱式座位,可以一邊欣賞師傅嘅手勢一邊嘆天婦羅。

天すけ(天助)

地址:東京都 杉並区 高円寺北 3-22-7 プラザ高円寺 1F

文字來源:香港人.歎世界/圖片來源:互聯網