$58可以任食安格斯牛排不是夢喇！成個黃大仙都討論緊呢間西餐廳放題，雖然食物唔係一流，用個咁平既價錢食到安格斯牛、沙律、意粉、雞翼薯條同甜品，新年食呢d真係感覺真係大滿足！
放題限定時間：2月19日至3月31日3pm-6pm (限時60分鐘任食)
價錢：成人每位$58、小童不高於100cm$38
▲呢個下午茶有安格斯放題！愛食牛之人必去，黎自美國既牛真係特別有牛味！雖然下午茶咁多人食，煎牛扒唔會煎得過火，牛肉中間依然keep住粉嫩，實在難得！
▲炸雞翼炸蝦唔算做得特別出色，不過就好吸引到小朋友！
▲食左咁多肉，點都要叫份凱撒沙律平衡下。
▲迷你漢堡有牛肉、豬肉同魚選擇，一於3款一次過試哂！
▲意粉唔算特別好味，不過呢個價錢真係收貨既。
▲安格斯放題星期一至日都有，平日去既話都要早少少排隊。
▲做到咁抵食，真係好多人排隊黎食。
▲下午茶menu唔算有好多野食選擇，不過除左牛扒都係一般茶餐廳質素，最叫人期待都係漢堡同pancake！
黃大仙Olive ERA
地點：黃大仙睦鄰街8號現崇山商場地下G1-G2號舗
文字來源：香港人.遊香港／圖片來源：yukitanaka301
相關文章：
【紐約第一好味！人氣漢堡店Shake Shack】
【全部都係士多啤梨草莓主題Tea Buffet】