有時去澳門都對當地口味獨特既葡菜念念不忘，奈何工作纏身，過大海狂玩狂食呢個夢想遙遙無期，好在住係新界西既小編發現元朗yoho mall新開左間澳門風味葡菜，小編特別欣賞黃金忌廉軟心多士伴雪糕，表面炸至金黃色脆卜卜，內裡完全吸收哂d忌廉牛奶，入口滑溜而口感豐富，配雲呢拿雪糕食確係一流！
▲路環鹹魚炒椰菜苗($68)用上澳門路環曬製靚鹹魚，鹹香鮮味，用來炒細嫩爽甜的椰菜苗，開胃下飯。
▲秘製青瓜乳豬脆包($75)，將乳豬切成絲，啖啖都食到乳豬肉既油脂香口，拌入青瓜絲同濃郁既乳豬醬，正好中和肥膩感！
▲十月初五蝦籽松露意大利麵($118)餐廳特意將遠近馳名既澳門蝦籽，crossover 入西式意粉。選用位於十月初五街老店囍臨門的蝦籽，其蝦籽粒粒飽滿，香味濃郁。配以黑松露忌廉汁意大利麵和葡國香腸，鮮味十足。
▲黃金忌廉軟心多士伴雪糕及檸檬薑($58)甜品黎講呢個算係性價比極高，忌廉軟心多士外層炸至金黃色，食落內裡又軟淋淋，口感同麵包布甸相似！原來兩吋厚厚切多士原個浸在忌廉牛奶超過12小時至浸透，再半煎 炸至外層香脆，一切開來入面仍然流心，配以 Movenpick 雪糕
▲經典木糠布甸伴黑芝麻脆餅($38)亞蘇爾的甜品與澳門手信名牌英記餅家來個 crossover，甜品內 所用餅食和涼果皆由英記餅家提供。甜品包括經典木糠布甸，忌 廉打得軟滑，餅碎乾爽，配以英記的黑芝麻脆餅，更添芝麻香。
亞蘇爾 Azores
地址:香港新界元朗形點 1 期 2056 舖
電話:3586 9133
營業時間:11am—11pm
文字來源：香港人.遊香港／圖片來源：香港人.遊香港
相關文章：
【元朗出色小店！大大份蒲燒鰻魚飯！】
【元朗小店出品街坊價意大利麵】