大推紫薯心太軟！
位於黃大仙嘅呢間甜品店「想甜嚐甜」，店內招牌菜係心太軟，心太軟款式種類多而且頗特別，有黑朱古力、紫薯、玫瑰荔枝、榴槤等。心太軟旁有雪糕，是自家製乳酪雪糕。此外，甜品類別仲好多元化，試足成個月都未必食得哂！
▲紫甘薯心配雪糕 ($48): 心太軟旁嘅雪糕，造型十分特別，雪糕筒倒插係雪糕上，而且雪糕口味每星期至一個月轉一次味。個紫薯心太軟好流心，而且入面放有紫薯蓉，食落特別淋身，同心太軟好夾。
▲白雪芒牛: 係出左無耐嘅新品，係啱啱焗到熱辣辣脆脆既牛角酥上面，淋上芒果汁同忌廉，食落唔會太膩，夾埋牛角酥真係配到極。
▲益力多爆珠 X 鮮芒椰汁糖水: 糖水嘅芒果底非常幼滑，仲有椰果同椰漿，上面會舖一大堆益力多味嘅爆珠同芒果，成碗糖水嘅口感層次多咗。
▲紫薯胚芽玄米花之水滴($58，每日限量10個)，之前大熱既水信玄餅呢度都有得食，店家製作多加一點蒟蒻粉，口感彈牙，而側邊亦醬汁、玄米、胚芽，仲有一小球玫瑰雪葩，十足一幅藝術畫。
▲呢間甜品店平時十分多人，店內坐位偏少，有吧枱，三人位。裝修偏溫馨風，牆上嘅擺設都好居家Feel。
想甜嚐甜
地址：黃大仙蒲崗村道73號富祐大廈地下
電話：39564744
營業時間：1pm-12:15am
文字來源：香港人.遊香港／圖片來源：想甜嚐甜、po.sang
—————————————————————
相關文章：
【皇室の甜品：宇治金時😋】
【屏山日式甜品小鋪！】