6月IKEA榴槤祭｜D24 榴槤新地配榴槤肉強勢回歸
闊別一年，榴槤甜品系列強勢回歸 IKEA！今次IKEA仲推出新品，鐘意食榴槤嘅朋友又點會錯過，小編就係6月1日即時衝去試食，話俾大家知邊款一定要試！是次總共有9款的榴槤食品，當中包括熱食及凍食。最具人氣當然是大家萬眾期待的D24 榴槤植物素新地配D24榴槤肉，好多人都配上5球榴槤肉，完全見到香港人對榴槤的喜愛。除此之外，今年推出全新的焗貓山王榴槤西米布甸，選用了貓山王榴槤製作，小編實試係幾好食，西米同榴槤蓉混合，好香榴槤咪，而且熱辣辣，有驚喜！有興趣朋友即睇小編試食推薦排名！
No1. 小編試食推薦 第一位
▲焗貓山王榴槤西米布甸：選用了貓山王榴槤製作，小編實試係幾好食，西米同榴槤蓉混合，好香榴槤咪，而且熱辣辣，有驚喜！
No2. 小編試食推薦 第二位
▲D24 榴槤植物素新地配D24榴槤肉($23)：品質keep住穩定，榴槤肉濃郁，配上雪糕，夏天超爽！榴槤肉可以最多追加5份($59)，每次一推出都超多人食，所以香港嘅供應期係售完即止，想食嘅朋友就要快啲去啦！
No3. 小編試食推薦 第三位
▲D24榴槤班蘭糯米糍($19)：糯米糍皮有比較厚身，斑斕味唔出，榴槤味則濃郁，可以被榴槤味蓋過，可以一試。
▲D24 榴槤植物素新地筒($9)：榴槤雪糕咪未好出，小編會選擇配D24榴槤肉，好食好多！
▲D24榴槤芝士餅($33)：芝士餅榴槤味比較淡。
▲D24榴槤班蘭蛋卷($13)：斑斕和榴槤味都比較淡，而且蛋糕係凍櫃存放，比較硬身。
▲D24榴槤批($15)：當日未有供應，未有試食。
▲D24炸榴槤球($6/粒)：當日未有供應，未有試食。
6月IKEA榴槤祭
供應日期：6月1日至7月31日供應
文字：香港人遊香港