日本美食2023｜日本巨無霸爆餡多士！超過50款口味 瀑布朱古力+抹茶白玉+厚切牛扒+豚角煮
大家有冇食過巨無霸size嘅多士呢？呢間喺東京嘅麵包舖，就係專門賣巨大化版嘅多士，有超過50款口味。巨型多士淨係賣相已經超吸晴，係打卡必食！而且並非虛有其表，而係夾滿餡料，一切開就會湧出嚟。當中朱古力味望落都覺得邪惡到爆，啲朱古力醬除咗鋪滿面層，內餡仲會好似瀑布咁爆醬流出。另外仲有鹹味嘅多士，有粉嫩嘅厚切牛扒多士、拿破崙意粉多士同豚角煮多士等。無論係鹹定甜味都一樣超足料，去日本旅遊嘅朋友唔好錯過呀！
▲朱古力味都有好多唔同款，呢款有好多配料，就好似多士版香蕉船咁，除咗有香蕉，仲有百力滋、忌廉等材料。
▲同樣係超邪惡的朱古力味，切開之後啲餡料佈滿成個多士，仲有埋朱古力粒！
▲除咗朱古力之外，都係其他甜味嘅多士。呢款白玉抹茶一樣好吸引，有埋紅豆蓉同煙韌嘅白玉丸子，口感更豐富。
▲店家畀原粒士多啤梨嘅分量絕對唔手軟！酸甜嘅士多啤梨可以中和一下朱古力嘅甜膩。
▲鹹味吐司都係超夠分量！呢款原切牛扒大到成舊磚頭咁，而肉質仲係保持住粉嫩。
▲拿破崙意粉多士，未切開時就好似正方體Pizza咁，佈滿材料同芝士，而內餡就係酸酸地嘅拿破崙意粉。
▲豚角煮多士（左）、玉子燒便當多士（右）
Coffee & Toast 三軒茶屋店
地址：1 Chome-5-16 Sangenjaya, Setagaya City, Tokyo 154-0024
營業時間：10:00-15:00（售完即止）
訂座電話：+81 50 5532 9684
文字來源：香港人遊香港/圖片來源：@coffeetoast2