位於沙田以寵物友善為主題的餐廳，讓主人同狗狗可以一齊CHILL一下。餐廳來頭不小，由知名意大利餐廳Palco Ristorante及意法料理餐廳PANO 的行政總廚 Chef Ken Lau（劉銘佳先生）親自主理，店內一樣用上兩間高級餐廳的烹調哲學，可以話以親民價錢就試到！當中必試的燒越南大頭蝦伴龍蝦忌廉汁意粉，龍蝦味超重，意粉掛上忌廉汁，超Creamy。另外，煎蛋布里芝士和風燒汁牛肉漢堡，用上自家手打牛肉漢堡，超多肉汁，而且配上特別的炸番薯條，一樣吸引。而寵物餐單，採用適合狗隻腸胃的健康素材和烹調方式來炮製，如狗仔啤酒、野菜豬肝法式凍批、慢煮美國極黑牛肋骨等，全部健康又IG-ABLE。
▲燒法國鵪鶉香橙西柚沙律($118)：沙律菜配上香橙和西柚，再配燒法國鵪鶉胸肉，脂肪量少，而且蛋白質量高，絕對是健康之選。
▲燒越南大頭蝦伴龍蝦忌廉汁意粉($188)：龍蝦汁以龍蝦和赤米蝦自家熬製，龍蝦味超重。
▲煎蛋布里芝士和風燒汁牛肉漢堡包配炸番薯條($168)：用上店內自家手打牛肉漢堡及日式照燒汁，充滿日系漢堡風格
▲粟米蟹肉忌廉湯(前) ; 蕃茄羅勒忌廉湯 (中) ; 野菌忌廉湯(後)
▲北海道牛奶雪糕士多啤梨梳打($58)：以北海道5.0牛奶製作的雪糕，嫩滑香甜。
▲【寵物菜式】慢煮美國極黑牛肋骨 ($148)：經過多重烹調工序的牛肋骨，肉質非常軟稔，而形狀長而鈍的牛肋骨頭非常堅硬，亦剛好可以給狗隻咀嚼和玩耍。
▲【寵物菜式】野菜豬肝法式凍批($68)：所以總廚就特別選擇用由海藻植物提煉而成的大菜糕 （agar agar powder）來製作啫喱，適合狗隻的腸胃，易於消化，口感亦會做得較柔軟，慎防狗隻進食過急速而哽到。
▲【寵物菜式】甘荀蛋糕($38)
▲【寵物菜式】狗仔啤酒: 蟲草花杞子燉鴨湯($68)：店內新鮮自家製燉湯，以米鴨蟲草花和杞子一起燉煮3小時。
▲【寵物菜式】焗南瓜有機豚肉批
▲餐廳分為兩部分，外邊有給予寵物一同用膳。
Woofy
地址: 沙田正街18號新城市廣場1期1樓165號舖
營業時間: 11:30-21:30
電話: 2882 8323
文字：香港人遊香港 / 圖片：＠frenchie.dog_and_bulu、香港人遊香港