一直好受大眾歡迎嘅服飾品牌GU，即將會喺9月推出自家品牌嘅彩妝系列「#4me by GU」，包括眼影霜、唇蜜、唇膏同眼影盤！產品使用天然的成分，唔使用矽靈、酒精同防腐劑等等作為化妝品嘅材料，再加上化妝品嘅包裝使用環保再生紙，可以減少浪費，實踐可持續發展！彩妝系列將會喺9月4日喺日本搶先上市，大家可以喺GU限定店舖同網店購買！
▲ 唇膏 (590日圓) (未稅)： 唇膏一共推出8個色號，顯色度高，搽上嘴好有光澤！
▲ ＃MULTI PALETTE 眼影盤 (1,490日圓) (未稅)： 三種色調分別係粉色調、橘色調同紫色調，多種埸合都啱用！
▲ ＃LIP GLOSS 唇蜜 (790日圓) (未稅)：唇蜜質地透亮滋潤，三色分別係：淺粉紅、玫瑰色同正紅色！
▲ ＃CREAM EYESHADOW 眼影霜 (590日圓) (未稅)： 共推出四色，分別係白色、金色、粉紅同咖啡色，出門前簡單一抹就可以出門口！
文字來源：香港人遊香港 / 圖片來源 ： GU