大家放假唔係抗疫在家，就係去戶外露天地方鬆一鬆，西九龍文化區要草地有草地、要海景有海景，仲有好西食！呢間坐擁全港最優越180度維港景色 PANO，主廚曾經係半島酒店工作，出品Asian French 料理食物質素有保證。所謂Asian French，原來係主廚以自己經驗同味蕾，再加入本地及亞洲優質素材及烹調元素， 烹調出迎合香港人口味既法國菜！今次呢個Tasting Menu以當日時令食材廚師發辦，一次過可以食足10道菜，真係大滿足！
▲今次推出廚師發辦Tasting menu有10道菜（$1188）或7道菜（$888）選擇，以本地食材加入西式食法，炮製創意法國料理！餐廳環境舒適，絕對係聚會慶祝生日/紀念日好地方。
▲Tasting menu上菜前必試自家製蜂蜜牛油配麵包！
▲前菜Amuse Bouche擺盤甚為精美， 紅菜頭片包裹住泰式調味北海道元貝他他加上mascarpone 芝士泡沫，口味清新，另外係墨魚汁飯焦脆片加上日本螢光魷魚，鮮味十足。
▲另外一道前菜就係意式炒雜菜配意大利烏魚及 18 年陳醋茄子 ，意式炒雜菜入面有菇菌、西蘭花、蘆筍及椰菜花，再加上烏魚籽
▲清酒煮貴妃蚌配法國魚子醬及香蒜泡沫，總廚特意選用本地貴妃蚌，全部都大大隻！佢以清酒煮烹調，保留貴妃蚌原先鮮味！
▲香茅椰汁鮑魚花膠雞湯，呢個花膠雞湯口味一d都唔大眾化！原來佢係啟發自總廚祖母鮑魚煲雞湯，加入椰汁又有d泰式口味，成個湯又有鮑魚、椰子、花膠，真心滋補。
▲蘋果木煙燻西蘭花燉蛋配馬糞海膽，馬糞海膽鮮甜軟滑加入燉蛋
▲以本地馬友魚入饌，酥脆魚鱗香煎馬頭魚配海鮮番茄醬。
▲招牌麻辣蜆意粉，低溫慢煮以四川菜麻辣口感加入意粉，真係非常驚艷！
▲後半以自家製熱情果雪葩清清味蕾，雪葩帶獨特果香，加上面層有芒味香濃腰芒和椰子泡沫，超fresh！
▲燒法國血鴿，呢度菜同樣混入本地元素，烤煮時更加上本地麥芽糖，鴿皮香脆帶微甜，而肉質鮮嫩。
▲PANO亦有提供下午Happy Hour Menu。
▲PANO坐擁全港最優越零阻擋維港景色，如果想睇更靚海景可更上一層樓欣賞。
PANO
地址：尖沙咀博物館道24-26號西九文化區藝術公園1樓1號舖
電話：23619600
營業時間：星期一休息、星期二至日12:00 – 14:00 (午餐) * 14:30 – 17:30 (小吃) * 18:00 – 23:00 (晚餐)
文字/圖片來源：香港人遊香港