武漢肺炎疫情依然，加上政府限聚令，好多餐廳小店都捱唔住呢個蕭條既寒冬！明將壽司身為經典地獄壽司，80、90後一定有組團黎挑戰過，而可惜最後一間沙田分店早係3月底結業，呢個消息一出，好多80、90後都表示一代回憶殞落…等小編同大家一齊回憶下地獄級數既壽司先～
▲明將壽司係沙田希爾頓中心最後一間分店終於黎到2020年捱唔住疫情而結業。
地獄入門級數
▲明將壽司係好有前瞻力既另類創作料理，中華沙律壽司表現正常，炸帶子壽司真係每件得半隻，不過味道都係正正常常～
.
.
.
.
.
.
.
地獄進階級數
▲睇得出明將壽司個個師傅都係高手中高手，可以用刀切到三文魚好似紙咁薄！
▲蝦壽司其實係咪叫蝦乾壽司？
▲小編曾經食過鯖魚壽司係臭既～！！！
地獄無厘頭級
▲明將壽司創意無限，將好多九唔搭八既材料都用黎整壽司，好似呢個啫喱糖壽司咁，仲要加埋wasabi
▲雪糕壽司係比較近期既作品，有網民竟然覺得好味，其實係雪糕好味姐～
▲可樂糖壽司，真係無奇不有！
我不入地獄，誰入地獄？－終極大佬級
▲好難相信曾經有沙律醬紅豆壽司既出現，小編年少時曾經試過d紅豆係硬既，口感奇怪到畢生難忘！
▲唔好誤會，呢個係吞拿魚沙律壽司黎，網民都一致認為好似嘔吐物！
▲2014年更有日本記者親身試食，食完之後佢形容呢度出品為殺人壽司！
文字來源：香港人遊香港 / 圖片來源：ettoday、爆笑貼圖區