去到台灣夜市想醫飽個肚，小編會選惹味可口既鹽水雞。可以加好多台灣風味小食同拉麵做配菜，咩都有d，呢間開左幾間加盟店，而總店就係觀塘，去年8月5日有以罷市支持反修例運動，所以呢半年黎都得到渡少人支持。適逢依家人人都唔想出外食野，買鹽水雞做外賣其實都幾適合，鹽水雞搭配新鮮蔬菜，加上秘製汁醬，食起上黎又清爽又美味！就算毒L都可以食佢地鹽水雞一人餐，口痕痕當小食可以就咁加配菜，想飽肚d就可以加埋個麵當正餐食！
▲阿土伯鹽水雞總店位於觀塘，8.5有參與罷市，另外仲有幾間加盟店，分別係 荔枝角D2 Place、 觀塘、 鰂魚涌、屯門、九龍灣
▲鹽水雞一人餐(胸腿各一半 或 3隻雞翼+任選3個配菜$45)
▲鹽水雞一人餐(胸腿各一半 或 3隻雞翼+任選3個配菜$45)加埋拉麵夠哂飽肚（+$5）！
▲醬料可以落原味、秘製阿土醬或者泡菜阿土醬帶有小量梅粉，微微酸梅味更帶出口味
▲雞肉連雞皮食落幾嫩滑，加埋醬汁一齊食非常惹味。
阿土伯鹽水雞旗艦店
地址：觀塘成業街7號東廣場地下20號舖
電話：55457794
營業時間：星期一至六12:00 – 20:00 / 星期日12:00 – 18:00
文字來源：香港人遊香港 / 圖片來源：@alicefourdou、＠s.shazza、＠go.chi.so.sa.ma、＠atravelfoodiary、＠venussmeal