今時今日要搵到一間咁有人情味既港式懷舊扒房唔係咁容易，呢度有唔同鋸扒套餐比客人選擇，分別有牛、雞、海鮮、豬同羊等，仲要每份套餐上既主菜都份量超大，呢個價錢絕對抵食！除左晚餐咁抵食之外，呢間既午餐都係大約四十幾蚊一個餐，都係一樣送湯同餐包，呢度既每一個套餐都分別可以揀要薯菜/意粉或飯！
▲當叫扒類餐，會有餐湯跟埋，又或者可以加$18轉做酥皮湯，酥皮仲焗到金黃色！
▲招牌英國威靈頓牛柳($218):威靈頓牛柳既製作過程好複雜，所以一般係餐廳食到都頗貴下，但呢度只需二百幾蚊就食到了。酥皮食落都脆，包住舊牛柳一齊切，啲酥皮都唔會跌晒！肉都好林身，無過火候！
▲美國一級安格斯西冷($248): 牛排煎到岩岩好，因為過熟會好難咬到，薯條係港式果隻，每食一條好似食得薯仔片咁，而件西冷下面有啲燒過既菜作拌菜。
▲跟餐會有免費餐湯，分別有忌廉湯同羅宋湯選擇，仲會有餐包可以點湯食，餐包仲幫客人塗埋牛油添！
▲最近呢間餐廳有一個優惠比香港人，只要埋單時講句「香港加油！」就可以有全單九折了！
牛屋餐廳酒吧
地址：佐敦吳松街143號地下
營業時間:星期一至六11:30 – 00:00／星期日18:00 – 00:00
電話:27307197
文字來源：香港人.遊香港／圖片來源：@jennyfood_diary、@hkfoodieamarillas、@soulkwok