睇日落正！屯門沿岸有5個沙灘，青山灣、加多利灣、舊咖啡灣、新咖啡灣及黃金泳灘，合稱屯門五灣。沙灘面積唔算大，
有唔少附近居民都會落黎行下，而且呢度亦係屯門人BBQ場之一，一家大細黎個「愛回家之BBQ大結局」的確係唔錯選擇，燒得悶又可以去沙灘玩下水、玩下沙灘波。唔想自己準備食物既，又可以係隔離三聖海鮮街買海鮮上青山灣美食廚房，呢間餐廳就會幫你煮，當然同時可以歎埋漁港夜景啦！
▲朝早去會見到斑斕既霞影
▲高山俯視碼頭又見另一番境象
▲日落西山 + 片海鱗光: 影出黎會好老香港既味道
▲出發前記得睇天氣, 陰陰地/烏雲密佈果日就未必影到你心目中想要果個view
文字來源：香港人.遊香港／圖片來源：edmundlo、eddytnf、yellowtornado、rickytsang