香港有好多間咖啡店，但係一間以陶瓷為主題嘅咖啡店，你又有無見過呢？呢間喺觀塘嘅咖啡店，會以親自製作嘅陶瓷器皿為客人端上咖啡同食物。店主Sara同Will都係陶瓷發燒友，希望透過咖啡室同陶瓷結合，營造一個寧靜嘅空間俾香港人。呢到除咗有出售咖啡同陶瓷作品之外，佢仲會不定期舉辦陶瓷體驗班，等更多有心人可以一試做陶瓷嘅滋味。報唔到名嘅朋友仔都唔洗擔心，店鋪入面仲有一塊大玻璃俾你喺出面到欣賞到佢地上堂嘅情況。店主都有份罷工架，快啲過嚟罰下佢喇！
▲ 用店主親自製作嘅陶瓷盛上香濃嘅咖啡，可以話係一種享受。
▲ 芝士蛋糕 ($32)，喺蛋糕上再鋪上一層朱古力漿。
▲ 焗迷你蔬菜芝士薯 ($32)，真係好好味架！
▲ 店鋪出售嘅陶瓷器皿，各有特色！
▲ 可以一邊飲咖啡一邊欣賞入面啲人做陶瓷。
▲ 手日土，組合埋一齊就係「捏」，有創作同創造嘅意味。
手日土咖啡室
地址：觀塘興業街16-18號美興工業大廈A座4樓A9室
營業時間：13:00 – 19:00 ( 星期一至二、星期四至五 )、11:00 – 19:00 ( 星期六至日 )
電話：5743 5034
文字來源：香港人遊香港／圖片來源：@viatokyocafe、@miss.pyyn、@alittlesunshine_alotoffood