主頁 九龍 黃大仙區 新蒲崗車仔麵:【#真香港人小店!三餸麵大推鹵水雞翼!招牌豬扒蛋飯必食!】- 地道館車仔麵

新蒲崗車仔麵:【#真香港人小店!三餸麵大推鹵水雞翼!招牌豬扒蛋飯必食!】- 地道館車仔麵

而家好多餐廳食個晏起碼都要四、五十蚊,想慳啲錢都唔容易。呢間位於新蒲崗嘅車仔麵就好抵食,三餸一麵只需要37蚊,味道仲好好添,小編大力推介嘅就係鹵水雞翼,鹵得非常入味,湯底加埋腩汁嘅話簡直一流。除咗車仔麵之外,佢啲飯餐都非常之唔錯,其中招牌豬扒蛋飯絕對係必食之一,豬扒夠juicy,加埋太陽蛋的金黃蛋汁,令人食指大動!埋單嘅時候,不妨仲可以留意下收銀櫃檯,上面貼咗張紙寫住「香港人加油」添!

▲三餸一麵,其中有啲餸需要另加$1,相中嘅分別係蝦條、鹵水雞中翼同埋豬大腸,三樣餸都需要另加$1,合共$40。當中除咗雞翼之外,蝦條亦係推介之一,彈牙夠入味,加埋湯汁一齊食就一流。

▲當然,都有好多餸唔需要另外錢,蟹柳就係其中之一。

▲招牌豬扒蛋飯($44),豬扒夠大塊,十分之入味,菜都唔係只係得一兩條,非常抵食。

▲瑞士雞翼餐肉蛋飯($42),除咗豬扒蛋飯之外,仲有其他飯類可以選擇。

▲蝦條雞中翼蛋飯($42),太陽蛋有少少脆邊,中間嘅蛋白就好嫩滑。

▲蘿蔔牛腩飯($42),蘿蔔同牛腩都好入味,同其他飯類一樣,加埋凍飲都只係加入$2,價錢夠哂平民。

地道館車仔麵

地址:新蒲崗崇齡街42號地舖
電話:5217 7008
營業時間:星期一至日 11:00 – 22:00

圖片來源及文字來源:香港人遊香港

熱門文章

香港好去處:【情人節限定!浪漫星光佈置登陸葵芳!4米高的情人樹+情人橋+粉色系心心手勢!】

浪漫星光佈置登陸葵芳,葵芳新都會廣場於今個農曆新年及情人節驚喜聯乘新一代填詞人Oscar,於1月23日至3月14日期間合力打造「甜蜜兩茶詞」佈置,讓愛侶迎來幸福滿瀉的新一年。

新年2022:【無年宵花市點買年花?推介5大花農種植場!附前往方法】

農曆新年就快到,今次特地向大家介紹5個開放給大家親身入內選購的花場,分別是蘭花世家「日本千葉園」、主打桃花的「財記桃花園」、百合、劍蘭之選「信芯園農莊」、如意吉祥水仙花「鶴藪農耕菜」,以及年花百貨公司「強記花園」,大家不妨入花場走走!

打卡好去處:【超IG-able!近百年歷史!極復古餐廳!張愛玲曾多次到訪!滿藏舊港情懷】-The Verandah露天餐廳

位於愉景灣的The Verandah露天餐廳,是有近百年的歷史建築,露台餐廳曾是上流社會的熱門聚會地!餐廳本是1920年歷史悠久舊地標淺水灣酒店,而餐廳是唯一被留下來的部份,所以周遭都充滿古典風味,建築風格典雅,坐下來吃一個英式下午茶,感受一下昔人的香港情懷,顯得格外休閒。

紅磡美食:【米芝蓮老牌上海小店!必試鹹豆漿!招牌粢飯堅持即叫即做!】- 滿堂樂滬京風味

呢間位於紅磡明安街開業的傳統上海式小店,剛榮獲米芝蓮推介!小店主打的粢飯,遠近馳名,即叫即做,新鮮滾熱辣,再加碗必試的鹹豆漿,當早餐或午餐,都絕對是完美之選!

香港好去處:【YouTuber雪姨5000呎《大乾爹市集》!Bobby Hill首登香港+「有重量,有希望」周邊+逾115個品牌】

農曆新年即將來臨,香港人氣YouTuber雪姨與一眾名人、KOL合作,推出《大乾爹市集 第二回》新春年宵市集!今次特別精選超過115個香港特色攤檔及品牌,匯集形形色色新春限定商品及生活好物,包括有多款「有重量,有希望」字句周邊。另外,人氣爆棚的美國卡通「佛系」肥仔Bobby Hill 更於《大乾爹》首度登陸香港,鬼馬厭世的周邊商品隆重登場!

銅鑼灣美食:【爵屎必去!Edan生日期間限定甜品主題店!瘋狂拉絲芝士貝果+巨型刨冰】- 甜姨姨私房甜品

這間位於銅鑼灣的甜品店,近日為慶祝變成Edan生日限定主題店,小店貼滿Edan的靚仔相,讓爵屎們忍不住去打卡朝聖!而小店本身的招牌是巨型刨冰及貝果,都好睇又好食!
Close Bitnami banner
Bitnami