黎到有馬溫泉不妨試下今次介紹呢間，好多日本人黎到呢度都會食呢間釜飯，好多日本人排隊食嫁！一入到間鋪就要除鞋，因為餐廳主要係塌塌米裝修。係呢度遊客唔驚唔識叫野食，因為店內有提供各國語言既菜單，服務生都可以用簡易英文溝通。排隊排到就到自己既時候，店員會比Menu你睇下食咩，然後就會幫你落埋order，減少有位之後等野食到既時間，落完單之後店員會問你等25分鐘可以嗎? 不過坐低左飲下茶，食下前菜，果25分鐘都好快過去。
▲今次叫左蒸神戶牛及蔬菜釜飯(3100yen)，黎到焗5分鐘就食得嫁啦！
▲蒸完既神户和牛片真係勁好食！
▲無加到300YEN將白飯改成了一份小既什錦釜飯。
▲因為叫左一份白飯什錦釜飯，分別有三文魚、八瓜魚、鯛魚，啲飯都充滿晒啲海鮮香味，好開胃！
▲有兩款醬汁比客人點，可以加隻溫泉蛋落飯度撈埋一齊食，另外仲會有兩粒糯米池甜品比客人最後食！
▲今次坐上層，兩個人都可以有一間房，靜靜地自己享受下一個美味午餐。
くつろぎ家
地址:兵庫県神戸市北区有馬町有馬839-2
營業時間:星期一至六11:00～14:00／17:00～19:00
電話:078-903-1550
文字來源／圖片來源：香港人.遊香港