呢間日式居酒屋係位於坑口村村屋裡面，店內既裝潢佈置係走簡約風格，右手邊係吧檯區，店內既櫃裡都擺滿左酒作為裝飾。另外，店內唔算好多座位，只有約20多個座位同室外8人座位。呢間係專賣串燒同唔同既刺身飯，價錢相對起旺區都叫實惠，最重要既係好食! 呢間居酒屋既服務一流，會成日都幫客人倒茶，而且好用心咁介紹客人是日精選，例如當日咩刺身比較新鮮等。所以如果去開坑口既話，不妨試下呢間居酒屋！

▲醬燒明太子比目魚邊刺身飯($108):比目魚邊燒完放落口有種入口即溶既感覺，加上撈埋明太子醬好好食。不過可惜既係比目魚邊份量好少！

▲鹽燒牛舌心串($48):牛舌好少地方燒到唔會好硬，食落去都林身，同埋好入味。

▲黑糖蜜蕃薯($58):蕃薯事先炸到脆皮，面塗上蜜糖醬，食落去甜甜的。

▲燒安格斯牛小排($148): 燒到食落口舊肉唔會好硬，配上既醬汁好好食，係芥末醬。

▲店鋪門外裝修好日式，門口頂掛左幾個日式紅色燈籠同門外用木門。

▲店內燈光比較暗，有啲日式居酒屋既感覺。

隱居

地址:將軍澳坑口村6號地下A舖
營業時間: 星期二至日11:00 – 15:00/18:00 – 23:00
電話:23117900

文字來源／圖片來源：香港人.遊香港