有時深夜既時候會好想食甜品，家陣大圍呢間甜品鋪係開到深夜2點啦！呢間甜品鋪有別於其他傳統既中式甜品鋪，賣既都係創新既西式甜品或者水果冰，甜品既選擇好多，揀起上黎都要花啲時間去揀！由大圍站行去都只係6分鐘，地理位置好方便。鋪頭既裝修雖然好簡約，但坐落去又覺得好舒服，鋪頭外牆貼左好多甜品相，經過既你絕對會比啲相吸引到入去食！

▲榴連爺爺($68):原個椰皇裡面有牛奶布甸再加上西米、小丸子、榴連汁、大大舊榴槤肉同榴連雪糕。榴槤雪糕係鋪頭自己製。榴槤控係一定要叫呢個！

▲即製香蕉酥皮卷伴雪糕($48): 食落去個酥皮好脆，一冷一熱咁夾埋雪糕食果種感覺好正。

▲焦糖菠蘿吉士拿破侖:呢個甜品係餐牌上面無嫁！係要同老闆娘講話想叫呢個甜品。焦糖菠蘿食落去好甜，拿破侖食落去都好香脆鬆化，絕對唔會比酒店啲拿破侖差！

▲ 菠多野結冰- 一路向西篇 配西米露($68):呢個係用新鮮菠蘿加上菠蘿冰同西米露，食落去好清甜。如果唔想食西米露，客人仲可以揀水晶涼粉或者黑涼粉作配料。

▲洛重西($68): 西瓜上面係洛神雪花冰，然後仲有草莓、水晶、椰果、涼粉作配料，夏天食呢個真係解暑一流！

▲小雜圓爺爺($68): 椰子入面係西米露小丸子，個頂有個小火焰雪山，另外仲會有芋圓、紫薯圓、地瓜圓佢配料比你加落去個椰汁度食，一個價錢可以食到咁多種類，真係好抵食!

▲黑糖水信玄餅($38): 食落去都幾清甜，個外形真係好靚，有朵花係入面！

糖宮甜品專門店

地址:大圍積信街61號地舖
營業時間: 星期一至日 15:30-02:00
電話:51333776

文字來源：香港人.遊香港／圖片來源：＠tommy43420、＠toryan、@hkgoodeats、＠jannistang、＠so.freddy