呢間日式刨冰店係位於宜蘭縣羅東夜市隔離，鋪頭以日式風格既裝修為主。主打係食日式手作水果刨冰。鋪頭亦會因為水果既當造期而有一啲期間限定既水果刨冰，期間限定既餐牌一般都會寫係門口塊黑板度。呢度除左水果刨冰好食之外，每款甜品既造型都好靚，絕對好岩相機食先既你地黎食！店鋪係有最低消費，大約每人要消費100蚊新台幣。另外老闆娘好中意花花草草既關係，店內有一個花花牆係由老闆娘親手插花，每當客人準備走時，老闆娘都會主動話幫客人在花牆拍照留念，岩晒少女心既你！

▲藍色富士山 (新台幣$100): 成個刨冰食落去唔會太甜，上面係雲呢嗱雪糕，而藍色刨冰醬汁係法國藍柑橘，再倒上乳酪。

▲草莓塔 (新台幣$120): 碗刨冰上面係好多粒草莓既冰凍切片，加上好多煉奶咁食，但食落去又唔會話超甜，味道岩岩好。

▲夏季芒果冰 (新台幣$200): 成碗冰上面有超多大大粒芒果，台灣既芒果真係好甜，可以再自行倒啲煉奶落冰度食，頂上亦有球芒果雪糕。

▲彩虹乳酪蛋糕 (新台幣$100):上層既彩虹乳酪係有五種口味唔同味道 ，所以食落去唔會覺得好膩口，再加上底部既威化餅同乳酪好夾，好好食。

▲原味鬆餅(新台幣$130)。

▲由於老闆好中意花花草草，店內見到唔少盆栽，因此整了一個花花牆比客人黎到果陣可以打卡!

小島日和

地址：宜蘭縣羅東鎮中山路三段208號
營業時間：週二至週日12:00-21:00
電話: 03-9561505

文字來源：香港人.遊香港／圖片來源：＠ming731007、＠ada1027.light、＠rai_rai.h、＠hyc1022