大白兔糖60周年上海推奶茶店

繼先前大白兔推出香水、沐浴露之後，大白兔糖竟然推出情懷滿滿既奶糖奶茶，呢間pop up store 選址係上海，風頭一時無兩，排隊條龍分分鐘仲長過喜茶！黎到上海呢間LuOne凱德晶萃廣場，就會見到滿滿人潮既藍色主題奶茶店，原來今次大白兔同Happy Lemon合作推出新口味而且開pop up store 同周邊店，引到一班8、90後既朋友仔紛紛為昔日情懷打卡！

▲今年係大白兔60周年，大白兔同Happy Lemon合作，大白兔從包裝上走出來，成為簡單純白加藍線造型

▲周邊店裡面擺滿了大白兔既產品，之前被瘋搶大白兔潤唇膏都有！

▲大白兔奶茶(19RMB)買一杯奶茶至少要排隊4個鐘！現場仲有黃牛價70元一杯，不過大家唔好助長呢個風氣呀！

▲今次既大白兔special有6種口味既飲品，分別是大白兔愛檸檬（19RMB）、大白兔愛檸檬冰激淋(25RMB)、大白兔奶茶(19RMB)、大白兔晶球奶茶(22RMB)、大白兔提拉米蘇奶茶(21RMB)、大白兔提拉米蘇紅豆奶茶(23RMB)。

▲唔少人都個買返個紀念版環保袋留念。

▲Pop-up store 產品有超級可愛大白兔抱枕、大白兔帆布包以及限定禮盒！

大白兔 x 快樂檸檬 奶茶店

限定日期：2019年5月29日－8月18日
地址：上海市區徐家匯路LuOne凱德晶萃廣場3樓

深圳大白兔糖60周年主題展覽

嫌上海太遠，可以去深圳睇展覽！大白兔60週年展繼上海、廣州站6月黎到深圳來福士廣場，大家去深圳又多個主題打卡位喇 ️！ 大白兔呢個牌子伴隨著好幾代人成長，係新年必買既糖果！展覽唔算好大，不過影相打卡、周邊同遊戲都有齊！

▲黎到門口就會見到人咁高既巨型大白兔！

▲係周邊店買野即可獲得一個小手環，戴著手環就可以參加一輪趣味遊戲，有圈圈樂、拔拔樂、丟丟樂、彈彈樂。

▲趣味遊戲每一關可得2個金幣，金幣積累越多可以玩夾娃娃的次數就越多！場內亦有唔少打卡場景！

▲巨大白兔糖都係打卡必影！

▲展覽區大部分介紹大白兔品牌來源跟各個換代包裝

▲大白兔海洋球池打卡位

▲周邊店有攬枕、糖果等周邊產品！有大白兔標誌布袋、文具盒、文件夾等等，兔仔形象超級可愛！

2019大白兔60周年巡展深圳站

地址：中國廣東省深圳市南山區南海大道深圳來福士廣場
限定日期：2019年6月1日至7月7日

文字來源：香港人.遊香港／圖片來源：@