呢間日本超市往往都有正野！係沙田同觀塘apm都見到呢間玉子燒專門店，由日本人開業，原材料當然係日本直送莓！用日本雞蛋製仔作既玉子燒特別香濃，每份玉子燒即叫即整，不斷加蛋汁一層一層咁煎，保證出品新鮮嫩滑，每份玉子燒要用上4隻北海道產雞蛋，加上來自高知縣鰹魚汁，勁足料勁有誠意！原味、櫻花蝦、芝士粟米、芝士火腿、明太子、蔥蟹柳、日本煙肉馬鈴薯一共有7個味道，款款都好吸引呀！沙田同觀塘apm都唔係好多座位，lunch想食就要早d去喇！

▲原味玉子燒(＄49)，除左原味之外，玉子燒仲有6款口味，師傅收到order就即時製作，每份勻用4隻日本雞蛋加上高知縣鰹魚汁，食落仲會有蛋汁流出黎！

▲芝士粟米玉子燒（$59）軟綿綿既玉子燒蛋卷咬落有甜甜既粟米，加上鹹香芝士，仲有芝士流心既效果！

▲蔥蟹柳玉子燒 （＄59 ）清新既香蔥加上蟹柳，感覺冇其它味咁膩！

▲日本煙肉馬鈴薯玉子燒（＄59 ）馬鈴薯包係厚厚既蛋卷內，好邪惡既配搭！

▲櫻花蝦玉子燒 （＄59）店家採用長崎縣櫻花蝦，加埋蛋香同鹹香。

▲加廿幾蚊就有麥飯、味噌湯同小食

▲有時會有玉子燒便當出售！

麦玉子 （沙田）

地址：沙田沙田正街18號新城市廣場3期1樓一田百貨Food Court內

麦玉子 （觀塘）

地址：觀塘觀塘道418號創紀之城五期(apm)地面低層一田超市

文字來源：香港人.遊香港／圖片來源：@andriasmeow、@senko112、@francoise0927、@carmenchandoudan、@luilui.life_2018、@goodnightmi、@thatindygram