鐘意邊食好西邊打卡既你，有冇諗過精緻既酒店下午茶都可以靚到成幅水彩畫咁？今個夏天，帝京酒店Lion Rock同澳洲天然護膚品牌CANVAS合作，以玫瑰同水彩做主題，推出全新既「花漾彩繪下午茶」。透明既調色盤形狀餐盤上，擺放多款精緻又帶有花香既午後甜品！配合番夏日炎炎既天氣，多款鹹甜點都清新開胃，包括「櫻桃番茄玫瑰多士」、「佛手柑漂浮雪島」、「草莓玫瑰乳酪慕絲蛋糕」等有十二款鹹甜點既下午茶SET！再加埋極具熱帶氣息既夏日特飲Butterfly同Rose Latte，簡直係夏日中最佳享受！
▲其中鹹點包括「櫻桃番茄玫瑰多士」有玫瑰幽香夠晒清爽開胃、「海藻雜莓石榴沙律」有石榴果香既沙律酸甜可口，仲有「帆立貝酪梨撻」、「小龍蝦沙律迷你椰絲漢堡」、「蟹肉蒟蒻野葛冷麵」同「山藥玉子燒」
▲甜點都有六款包括「薄荷朱古力玫瑰小盆栽」、「佛手柑漂浮雪島」、「草莓玫瑰乳酪慕絲蛋糕」、「藍莓紫羅蘭撻」、「英式鬆餅」同埋「玩味甜品」。「玩味甜品」包括左海綿蛋糕、紅石榴慕絲、朱古力脆珠、同各種果醬同朱古力醬等等，可以係透明盤上自己擺盤同揮筆，發揮創意彩繪成畫，做出自己最岩心水、最呃到like既甜品碟！
相關文章：
東涌酒店自助餐：【芒果綠茶下午茶自助餐！50款美食+雪糕+甜品任食】- ESSENCE
尖沙咀酒店自助餐：【全新日韓台主題！必食惹味泡菜芝士焗龍蝦！】- 柏景餐廳
▲二人SET包左兩杯夏日特飲，可以選擇以蝶豆花梳打、菠蘿及椰子糖漿調成既Butterfly，或者充滿玫瑰花香既Rose Latte一樣甜蜜
▲凡惠顧二人套餐，仲可以獲得CANVAS玫瑰全日護理套裝一份(價值HK$625)，包括潔面梳乎厘、玫瑰水凝面膜、天然防曬乳液同香薰手部護理服務！
帝京酒店 Lion Rock「花漾彩繪下午茶」
地址：九龍太子道西193號帝京酒店3樓
電話：2622 6167
供應日期： 2019 年 5 月 1 日至 7 月 31 日下午 3 時至 6 時
價錢：HK$508 兩位用 (包兩杯特飲) / HK$270 一位用 (包一杯特飲)
文字來源：香港人.遊香港 ／圖片來源：Lion Rock