小編上個月同朋友tea，發現元朗呢間好抵食既小清新cafe，白色雲石台加上文藝風乾花草，完全係文青既最愛，佢推出平日98蚊任食下午茶，雖然係任食選擇唔多，但樣樣份量都唔細，而且就幾高質，幾岩兩三知己黎食，不過佢就限時90分鐘，唔可以好chill咁坐成個下晝，不過90分鐘都夠你食得好飽！由沙律到意粉，三文治同炸魚薯條出品，1d都唔hea，如果單點都要60－70蚊，咁每人叫2份都好抵食！就算食得好飽，小編建議你地一定要留肚食佢地自家製藍莓醬鮮果班戟雪糕，班戟唔係乾爭爭尚算有濕潤感，加埋朱古力雪糕同鮮果真係好正！
▲白色既牆身、黑白雲石台、乾花及綠色植物，營做小清新既感覺！
▲呢個下午茶任食會包一杯冷熱飲品
▲牛油果班尼迪蛋，半熟流心蛋加上香滑荷蘭醬同牛油果，口味達到極緻！
▲巴馬火腿芝士意式包，意式包微暖有d軟熟，內餡有好多蕃茄、青瓜、生菜，感覺清新
▲拿破倫香腸蕃茄意粉，意粉份量都唔算迷你，意粉每條都掛上蕃茄醬，酸甜度恰到好處。
▲炸吉列手指薯條，薯條係粗薯條，都算有誠意。
▲自家製藍莓醬鮮果班戟雪糕，濕潤既班戟都有成3大塊，配上藍莓同芒果醬，同埋香濃既朱古力雪糕。
▲星期一、三至五都會提供呢個下午茶任食（$98/位），班尼迪蛋、炸吉列手指薯條、巴馬火腿芝士意式包、牛油果班尼迪蛋鬆餅、拿破倫香腸蕃茄意粉、新鮮沙律、自家製藍莓醬鮮果班戟雪糕、鮮果拼盤等
Darci by Aldou
地址：元朗鳳攸南街9號好順利大廈地下60號舖
電話：27883339
營業時間：星期一、星期三至日12:00 – 16:30 / 18:00 – 22:00 /星期二休息 *下午茶放題供應時間係Mon & Wed, Thu, Fri，14:00-16:00(限時60分鐘)，最後落單時間為完結前15分鐘，每次每枱最多選擇4款，另設加一服務費
文字／圖片：香港人.遊香港