必定要試日本涮涮鍋起源店－日本鳥取和牛火鍋:

呢間鋪頭係涮涮鍋既始祖，係1962年開左呢間鋪，有好長久既涮涮鍋歷史。由於老闆曾經去過北京擔任軍醫，對中國北方涮涮鍋好有興趣，其後番到日本果陣即刻引入中國北方傳統既火鍋，所以鋪頭既鍋具係較為中式。呢度係專門食鳥取和牛，鳥取和牛之所以咁特別係因為有較佳既脂肪，不飽和脂肪酸既比例係高過55%。要注意既係呢間鋪頭唔係好顯眼，外觀睇落會好似民宅咁，好容易行到過左龍，記得認清楚個招牌呀！

菜單上面一共有三款涮涮鍋揀，松竹梅呢啲都係套餐既名稱，價格由 4000Yen起。

▲叫套餐時會附上兩款二人前菜，注意會每日都唔同。

▲呢個「悅」鳥取和牛涮涮鍋套餐(5200Yen): 二人份量既餐，會比埋個蔬菜盤比你。

▲就咁睇鳥取和牛既油花就覺得個餐唔係好貴，記得落幾秒就要食啦，咁先去肉質鮮嫩多汁。

▲食到尾聲時店員仲會扲埋生果比你食，涮涮鍋套餐一共有兩碟水果，而種類就會因應鳥取果陣個季節有咩水果當造而改變。

たくみ割烹店

地址：日本鳥取県鳥取市栄町652
電話：0857-26-6355
營業時間：11:30-14:30/17:00-22:00 (每月第三個星期一休息)

文字來源／圖片來源：香港人.遊香港