良心食品無得輸！油塘呢一帶雖然地方偏遠，但野食方面勝在「價廉物美」。呢度咁偏僻，都有唔少街坊、學生、打工仔都專程行上黎食。「兩餸」泰式車仔麵都係$38 ，仲包一杯冷熱同價既飲品喎，正啦。小編揀既「兩餸」分別係：雞肉 + 雜薈，雜薈包括爽口魚蛋，炸魚皮，滑溜豬紅，豆卜，魚片，橙色蝦卷。咁多款野食再加埋黃油雞肉，配個泰粉吸晒 d湯汁… 個份量連男人都岩食！此店前身喺藍田做開, 名叫「珍味盞」，因為租金太貴，所以先無做，再喺油塘呢個偏遠商場改名重開, 小編當然要撐小店, 黎支持一下！
▲ 招牌海南雞咸肉泰粉 ($31): 辣醬配料 檯上有齊可以自己任加，真係好有泰式風情！
▲「兩餸」車仔麵 ($38): 雞肉 + 雜薈雜薈包括爽口魚蛋，炸魚皮，滑溜豬紅，豆卜，魚片，橙色蝦卷
▲泰式海南雞飯 （＄42）
▲招牌咸肉滷水鴨金邊粉
▲飲品既冰粒比例岩岩好, 室內位置唔多, 滿座就要坐露天位或者走廊位 (摺檯 + 摺櫈), 一杯飲可消消暑, 涼快一點!
榶意泰式粉麵
地址：油塘中心嘉發商場 6-7號舖
電話：2717 4839
文字來源：香港人.遊香港／部份圖片來源: eryl_c