最初知道有手撕雞腸粉，聽落9唔搭8？大圍偏偏呢間小食店將平平無奇既腸粉加甜醬、麻醬芝麻，再撈埋嫩滑雞絲，一hit就hit左幾年，假日更係長龍不斷！手撕雞腸粉雞肉份量都唔少，加上腸粉嫩滑，然後又有麻醬同花生醬，味道濃郁入味，而且可以自己選擇辣度。2019年3月尾舊鋪因業主加租而被逼結業，居民知道都大感可惜！不過佢地4月已經係大圍重新尋得新鋪繼續營業，新鋪仲設有堂食坐位，大家下次去食，可以坐定定係度食喇！
▲3月底時好多街坊食客知道結業消息都大感可惜，不過4月佢地就尋得新店捲土重來，新店仲會有堂食坐位！
▲最抵讚係小店冇因為搬鋪而加價
▲手撕雞腸粉($32) 手撕雞做得好香好夠味，雞肉同腸粉同樣嫩滑，好多人都會人買黎作為小食下午茶。
▲辣度可以隨意，不過小編建議品嚐細味佢地自家製作既石磨芝麻醬！
▲手撕雞飯($42)手撕雞飯同樣加上粒粒芝麻，呢個飯係懶人專屬，唔駛吮骨！
華輝小食
地點：大圍積壽里4D鋪地下
營業時間：8am-3am
文字來源：香港人.遊香港/圖片來源：@tobilee.muxhair、@yonkinkin、@law.kam、@mayxbrow