最近天氣涼返小小，天水圍地膽又有咩推介呢？緊係食返d熱野啦！老闆來叔每日親自泡製兩款特色湯羹，花膠碗仔翅同蟲草花魚唇羹；前者係用足心機熬煮雞湯加入冬菇絲、雞絲、花膠、元貝、金華火腿等材料，而後者蟲草花味香，係一味可口既海鮮羹！
▲蟲草花魚唇羹（＄28）唔止有蟲草花、魚唇，仲有雞絲、元貝、金華火腿、豬肉絲、冬菇絲同木耳絲，魚唇有健脾益胃之效，加埋蟲草花提味真係幾正！
▲花膠碗仔翅（＄28）花膠都唔少架！熬煮雞湯後再加入冬菇絲、雞絲、花膠、元貝、金華火腿、豬肉絲、冬菇絲同木耳絲
▲除左兩款招牌之外，仲有其他小食既，聽講平日仲有車仔麵食，著校服仲送野飲！
▲呢個霓虹燈招牌好sharp醒，唔怕搵唔到呀！小編堂食時都有唔少街坊幾碗幾碗咁買走！
淼卷
地址：天水圍天湖路1號嘉湖新北江商場二期1樓F9B號舖
電話：97390692
營業時間：12:00 – 22:00
文字／圖片來源：香港人.遊香港