天水圍地膽又有好推介！成日要走到葵廣呀尖沙咀呀先有，天水圍人今次黎到新北江呢間壽司小店。新開冇耐都好受街坊歡迎！壽司手卷都有好多款呀，唔怪得街坊都like爆！小編試左軟殼蟹拼蟹膏手卷同三文魚拼帆立貝拼海膽，兩款都用料好新鮮！店員仲好貼心咁叮囑我地，買完都快d食，如果唔係紫菜會好快淋架！
▲壽司手卷款式都唔少，價錢亦豐儉由人！
▲三文魚拼帆立貝拼海膽（＄53） 呢個3併係皇牌組合，岩哂我地呢d選擇困難症既朋友！
▲軟殼蟹拼蟹膏手卷（＄29）壽司飯包住香脆軟殼蟹，一軟一脆口感反差感好大，真係好正呀！
▲小店位於新北江，全部即叫即製！
淼卷
地址：天水圍天湖路1號嘉湖新北江商場二期1樓F9B號舖
電話：97390692
營業時間：12:00 – 22:00
文字／圖片來源：香港人.遊香港