今個暑假不停有台式飲品店開張，呢間位於屯門華都商場嘅土炮懷舊特飲店，就喺少數以香港懷舊飲品為主打嘅飲品店。店面裝修好有懷舊FEEL，餐牌以大大塊紅底白字放喺櫃枱前，散發出濃濃嘅舊香港味道。佢哋嘅自創飲品山楂梳打飲落酸酸甜甜，飲落仲會食到粒粒果蓉！另外炸蜜瓜奶外面香脆可口，放入口一咬開，香噴噴嘅蜜瓜奶醬爆晒出嚟，好好味！最近加盟店仲開到去紅磡添啊！
▲土炮都有唔少小食選擇，雞拼盤、墨魚拼盤同魚拼盤等等！
▲特式山楂梳打甜甜酸酸，非常醒神！
▲開心果朱古力-一聽個名就知佢有幾香濃好飲。
▲簡簡單單嘅懷舊忌廉朱古力、忌廉好立克香濃幼滑都喺個唔錯嘅選擇！
土炮懷舊特飲
地址︰屯門華都商場1樓65B 舖
時間︰13:30 – 21:00
紅磡德民街29號地下C3鋪
時間︰13:30 – 21:00
文字來源：香港人.遊香港／圖片來源：土炮懷舊特飲