自從出黎做野之外，除ot次數增加，飲到阿媽靚湯既燉湯就難上加難，呢間以一盅兩件既點心同 燉湯做主打，燉湯有幾款，原盅滋補燉湯款款都好足料，仲無添加味精同食鹽，覺得唔夠味既朋友可以自行添加食鹽！秋風起既假期落去食返件點心，飲啖靚燉湯實在係滋潤十足呀！
▲栗子蟲草花花膠燉雞湯（$48），湯料勁多，有齊花膠、蟲草花、雞、新鮮栗子、桂圓，蟲草花更可以強化免疫功能，口感煙韌，呢個燉湯飲落味道清甜，滋陰潤肺。
▲猴頭菇螺片燉瘦肉燉湯（$38），湯料有猴頭菇、螺片、淮山、蜜棗、杞子，呢個湯本身比較甜口，因為店主完全冇加食鹽，覺得味道唔夠既可以自行加鹽，呢個燉湯有滋補養顏之效。
▲南瓜鳳爪排骨飯 排骨飯絕對係港人最愛，呢度蒸飯以荷葉包住蒸，選用靚鳳爪、排骨，配埋南瓜菜心，色彩繽粉！
▲蒸廬 拼美點（＄55）有九件點心，平日高價既蝦餃、燒賣、馬蹄糕、紅棗糕都有，外型呈脹卜卜！叉燒包又鬆軟又好味！
蒸廬
地址：沙田石門安群街3號京瑞廣場一期2樓225號舖
電話：34603411
文字來源：香港人.遊香港／圖片來源：@mekography、@fanfaneating、@kiki_lwy、@cccecilll.c