全球有多間分店嘅「ACE HOTEL」即將登陸日本，由建築大師隈研吾打造，嘅「ACE HOTEL KYOTO」將於2019年尾開幕！「ACE HOTEL」擅長融入當地嘅環境風情而進行設計，令人相當期待喺京都呢個咁古色古香嘅地方會有咩特別嘅建築出現呀！
▲「ACE HOTEL」來自美國西雅圖，喺波特蘭、曼哈頓同倫敦都有分店。
▲而亞洲首間嘅「ACE HOTEL KYOTO」選址於京都‧烏丸御池，係一棟舊京都中央電話局加以活用，結合酒店同商業設施嘅複合式酒店。
▲知名建築師隈研吾負責酒店嘅外裝設計，大量使用木質百頁，將新建築融入京都嘅街道景觀。暫定1樓將為商業設施，2、3樓則為酒店客房。另有一棟共有9層，相連嘅新建築，地下1樓同地上1樓係餐廳同商店，2至7樓就係ACE HOTEL。
▲「ACE HOTEL」特色就係將酒店融入當地環境，喺京都呢個咁古色古香嘅地方，相信一定會別有一番風味。
ACE HOTEL KYOTO
地址：京都市中京區烏丸通姉小路下ル場之町 586-2 外
預定開幕時間：2019年冬季
飯店官網：http://www.acehotel.com/kyoto
文字來源：香港人.歎世界/圖片來源：互聯網