想同另一半去旅行，但好難請到假，又或者唔想用咁多錢，好多人都會揀台灣甚至係澳門，但兩者消費同交通都唔平，而且仲趕頭趕命咁，一d都唔relax，小編今日就介紹呢條2日1夜深圳文青小旅行，勁多新野試又超多影相打卡位，完全係謀殺手機相機記憶體既兇手！！
第一站：Check-in 全新Muji Hotel！
可以同情人入住溫馨原木定居feel 既Muji Hotel，可以預演將來溫暖既日式家居。最平既房型都係950蚊人仔，而且仲唔會因為假期而加價，所以如果要假日去既話就盡早book定喇！
▲MUJI HOTEL二樓reception，有一幅木塊被拼接成主題牆。
▲走入房間，大多數裝潢擺設都係來自MUJI，包括白色電熱水壺、壁掛式CD 機等，連CD 內播放音樂也為MUJI專供，係非賣品黎。
Muji Hotel Shenzhen
地址：中國Shenzhen福田区皇岗路5001号
電話：+86 755 2337 0000
第二站：文青打卡位+超多cafe+週末市集＠創意文化園
華僑城創意文化園所有建築都係以前棚戶廠房改建而成，不時有唔同藝術展覽睇，連牆外塗鴉也很有特色，可以看到很多設備都是以前遺留下來改裝或者重新噴塗更能融入現在的環境當中，也算是一種藝術之美吧。這裡很安靜，人也不是很多，感受一下藝術的熏陶吧。
不僅有非常有特色有創意的環境，很多工廠改造的展覽館，還有很多小資咖啡館，有情調書店等。小編以下會一口氣介紹好幾間cafe、影相打卡好地方同書店
▲無論係水泥牆外既塗鴉定隨便一道樓梯，都係打卡靚點！而且每月第一、三個週末定期在華僑城創意文化園北區舉辦。它是中國第一個週期最為密集、場地設施穩定的街區型創意市集。 t街創意市集自2009 年6 月開市，已成為深圳最具人氣和創意氛圍的都市文化生活新聚點之一。
少女心打卡cafe：Dreamiya
▲少女味十足風格網紅店最近係創意園開左分店，一樣人頭湧湧，呢度d蛋糕係由藍帶師傅製作，非常有水準，好適合下午茶、約會 ！
▲獨角獸¥58茉莉花香特別濃，蓋住了芒果等其他味道，最下面是脆脆的餅乾，蛋糕同甜品造型都超吸睛！
▲小王子的玫瑰¥58係oct店既獨家！
▲Dreamiya OCT店新店比舊店大一點，裡外都而且超多打卡位，食完都完全唔想走～
Dreamiya（OCT店）
地址：廣東省深圳市南山區沙河街道華僑城恩平路創意園F1棟101C（地鐵僑城東站A出口，走個10幾分鐘就能看到創意園了，在青樸落博物酒館右手邊的巷子往裡面走就可以看到了）
營業時間：上午12點半到晚上9點
勁chill fusion小菜餐廳：
呢家在OCT屹立了10年之久老店。水泥地、紅磚、吊頂，滿滿的LOFT風格，一直被深圳文青譽為裝逼聖地，最讓你感覺奇葩的國際範的混搭菜品——意大利披薩、泰國咖哩、墨西哥捲餅……
▲小編同朋友嚐後一致認為呢間舗既泰式檸檬魚(¥99)值得推介。條魚既賣相見盡誠意，鐵盤下仍有火種在燃燒著，而且d湯汁都多。鋪面既配料如：草蘑，蜆，車厘茄，雞脾菇，娃娃菜，紅辣椒粒，青辣椒粒，芫茜，薑粒，青檸檬片，香茅，檸檬葉。湯汁多到可以撈飯食，條魚既肉質嫩滑，而且仲吸收埋青檸檬汁 + 蜆肉既海鮮味，而且陣香辣味仲沖斥全成個口腔，過足口瘾！
一渡堂 (I Du Tang)
地址：深圳市南山區恩平街華僑城創意園OCT-LOFT F3棟
電話：0755-86106046
勁chill fusion書店：
小編最鐘意睇書，一知道創意園有舊天堂書店，立即搬尋其位置，一入書店，最令人注目都係掛係牆上到CD同黑膠碟，都係大陸的非主流音樂和歐美經典音樂，呢度仲不定期發起有質量的文化交流活動和獨立音樂演出，舊天堂不只是一個書店，它是私人閱讀和公共文化交互的空間場域。書店外面木質長廊，擺放籐椅、木椅、小圓桌、長桌 、植物盆栽，成了一個小天地。
▲排得整整齊齊珍藏著60-70年代的流行CD、舊式收音機及懷舊影碟，呢度都搵到，形同一個歷史博物館！
舊天堂書店
地址： 廣東省深圳市南山區文昌南街華僑城創意園二期A5棟120
電話： +86 755 8614 8090
第三站：極清潤椰子雞煲
黎到夜晚，點少得食返個完美晚餐椰子雞呢？深圳人唔食海底撈喇！近年椰子雞近年成為人氣王。清新原汁椰青水浸入海南雞，食得到原汁原味，加上綠盤、黑鍋、藤椅，盡顯熱帶風情。不過呢幾年的確出現唔少copy cat！但潤園四季椰子雞依然客似雲來，除左因為環境優美，菜品同都非常優秀。必點是竹笙椰子雞同清新爽口小馬蹄，再飲碗椰汁湯，無論春夏秋冬來吃，別一番滋味。
▲湯雖然沒有任何顏色，卻是又鮮又甜。雞肉在味碟中點一點，即可入口，肉彈且爽，原汁原味。食完就可以搭的士返Muji酒店，唔留宿的話，可以直接搭的士去皇崗口岸過關～
潤園四季椰子雞（華僑城LOFT店）
地址： 南山區香山東街東部市場3樓
電話： 0755-29128886
文字來源：香港人歎世界／圖片來源 ：香港人歎世界、wind_travelogy 、sunnyroyphoto、armin_co、missnanat、elvahsiaomumu
相關文章：
【越南|迷人之會安古城行程懶人包－準備篇！】－簽證換錢交通懶人包
【越南|迷人之會安古城行程懶人包－行程攻略(上)】－古城行逛－遊秋盆河、歷史會館、日本橋、街頭小食、花燈
【越南|迷人之會安古城行程懶人包－行程攻略(中)！】－用單車漫遊古城、參加勁地道cooking class 、之後潮聖神級餐廳Morning Glory