自從屯市呢個位轉做上海小館之後，裝修陳設大玩新潮，不過一直都冇黎過，今日同友人前來終於一試，原來食物種類都層出不窮，小編最愛酒糟醉雞亦做到酒香味淳，皮香肉嫩，不過外表平平無奇既芝麻肉鬆大餅確係超水準之作，大餅麵皮質感外脆內軟熟，而且表面芝麻焗香後同內餡肉鬆混和一起後咸咸香香，惹味十足！
▲酒糟醉雞$68 小編係個不折不扣醉雞迷，呢度醉雞每一啖雞肉都充滿濃郁酒香，而且醉得入味恰到好處，醉雞肉質非常嫩滑。
▲黑松露小龍包36隻每1張桌都最少有1隻！用細小精緻的蒸籠裝住，外表巧小可愛，表面有少許黑松露，一切開濃郁湯汁湧出，而黑松露拌入肉餡，食落感覺清香味鮮。
▲蟲草花炒翡翠苗$72 蟲草花有補肺腎作用，配搭翡翠苗，除左有色澤之外，營養亦大大提升，果然食落冇咩草青味，清新自然。
▲芝麻肉鬆大餅$52 小編平日對d包餅澱粉質類都冇咩興趣，所以冇太大期望。芝麻肉鬆大餅用小鐵鍋盛著，一個大餅分成6件，表面焗香成黃金色且佈滿芝麻。
▲片皮鴨份量都算幾多，不過始終小館主打唔係燒味，片皮鴨做得不過不失，又可能因為先前已經食得太多關係，片皮鴨皮香，但肉唔算滑，有少少扣分。
▲呢度無論係裝修同門面都大玩設計幾何風！小編最鐘意橙色黑色呢個大膽風格。
▲係少女大愛既夢幻粉紅！大大粒既桂圓香甜，玫瑰味濃，好岩冬天飲！
▲另一款冬日推介雪梨桂花蘆薈，雪梨極滋潤，加埋桂花同蘆薈，足以食物之間清清口味。
稻成小館
地址：屯門屯隆街3號屯門市廣場一期2樓2162號舖
電話：2528 2618
文字來源／圖川來源：香港人.遊香港