有冇試過食西餐又想食牛排又想食羊架？一餐食兩個主菜不是夢喇！呢個套餐又可以食牛排又可以食其他主菜，以為會因為咁而縮水？錯喇！大大件牛排講唔上係厚切，勝在調味豐富，牛味濃郁。食完牛排，仲可以揀埋其他主菜，法式寶雲酥羊架同樣出色，火候控制得恰到好處！
▲小編平日甚少進入觀塘呢個社區，今次朋友介紹左超抵既西餐set 比我，一睇就愛上。何況冬天真係會想食多d肉類，補充身體能源。呢個美國頂級肉眼牛排set($228)除左牛排之外，仲可以選擇多一樣主菜，小編今次就揀左比目魚西京燒同法式寶雲酥羊架！
▲先來個雜菜沙律，menu話呢個沙律係任食既，有粒粒粟米、沙律菜、小蕃茄，非常清新呀
▲天寒地凍飲返個薑味朱古力，飲落有微辣口感，勁暖胃呀真係！
▲另一杯飲料揀左菊花蜜，取其清甜解毒之效，食左咁多邪惡野清清味覺都唔錯！
▲餐湯係南瓜湯，將南瓜打成蓉，將煮成西湯，成日都好怕西湯唔夠熱，呢度就冇呢個問題。
▲比目魚西京燒，日式西京燒通常係配鱈魚，比目魚雖然唔夠鱈魚嫩滑，少左份油膩惑，食多唔怕滯。
▲法式寶雲酥羊架，所謂寶雲酥就係用麵包糠、百里香同Rosemary做醃料，再入焗爐焗，煮出粉嫩而不膻完美羊架，果然食落肉質鮮嫩！
▲不得不提呢個配菜焗蒜頭，連同羊架一齊食確係一流既！
▲黎到重頭戲肉眼牛排，小編都幾鐘意食肉眼，肉質柔嫩且多汁，呢個部位係肌肉圓形橫切面，而會較多脂肪，雖然今次講唔上係厚切，勝在肉味濃郁，入口油脂甘香。
▲最後小編真係食得好飽好飽，但無理由唔食埋個甜品先，今次揀左最light既櫻花水信玄餅，晶瑩剔透既水信玄餅內包裹住一朵含苞待放既櫻花，加上周圍既黃豆粉同酸梅味道既脆脆，完全係藝術品。
▲店外門口有一對騎士做裝飾，好似一對西式門神咁，都幾得意
▲呢間西餐係工廈樓上，好在工廈位於大街上唔難搵，下次去觀塘gathering時可以encore !
Bella Shine
地址：觀塘巧明街114號迅達工業大廈2樓B室
電話：23458455, 23458488
文字來源：香港人.遊香港／圖片來源：香港人.遊香港
相關文章：
【紐約第一好味！人氣漢堡店Shake Shack】
【小心中頭獎！林村許願節】