呢間隱於觀塘工廈嘅韓國餐廳推出晚上限定優惠！只需要$68就可以食到「芝士果醋醬烤雞」，唔只份量多，店員仲會係你面前即場熱溶芝士放上熱辣辣嘅烤雞上面，真係睇到都流曬口水呀！
▲原價$168嘅 「芝士果醋醬烤雞」而家晚上限定價只係$68咋，咁抵食即刻忍唔住叫左一客試下，結果令人喜出望外！烤雞份量算幾多，入面有大量芝士年糕同洋蔥，最特別係入面仲有一粒粒嘅蘋果粒，可以中和油膩！
▲上桌後，店員會拎埋火爐係你面前進行「溶芝」，然後再將芝士捆起每一舊雞上面，真係見到都好吸引呀！無骨嘅烤雞食落啖啖肉，加埋酸酸甜甜嘅醬汁同芝士，真係正到不得了！
▲韓風柚子蜜炸雞（半份$98）我地叫咗有骨！同烤雞基本一樣都係啖啖肉好Juicy，雞骨唔算多，面頭灑上好多柚子，外皮亦算炸得香脆！但相比之外，個人更鍾意烤雞！
▲天國的豬蹄 ($76) 有豆腐和泡菜伴碟， 豬蹄顏色比一般深色，估計炆煮得好入味，食落去果然很香，豬蹄肉嫩，豬皮脂肪位置口感十足，很爽口，感覺自己吸收了很多骨膠原！哈哈！
▲漢城沉沒（雪梨特飲）和 粉紅珍珠（荔枝特飲）相當大杯 (各$58)，雪梨特飲稍甜，下面有雪梨絲幫助增加口感！ 另荔枝特飲除咗酸酸甜甜之外，上面亦放上不少新鮮藍莓及士多啤梨，感覺好Fresh！
JK Brother’s
地址： 觀塘開源道54號豐利中心5樓507室
營業時間： 星期一至日 11:30-22:30
電話： 3705 9501
文字／圖片來源：香港人.遊香港
相關文章：
【新鮮即摘日本士多啤梨】
【全球首部！金寶湯專車限定登場】