日本除咗貓貓狗狗嘅Cafe之外，其實仲有好多另類嘅動物Cafe㗎！呢間喺秋葉原嘅貓頭鷹Cafe就係其中之一喇！無論係訓緊覺定係眼仔碌碌嘅貓頭鷹都係咁得意，而且完全唔怕生保，仲可以同佢地近距離selfie添 📷 但記住唔好開閃光燈呀！
▲位於秋葉原嘅Akiba Fukurou，宗旨係《認識貓頭鷹、將會更豐富您的人生》。透過貓頭鷹治癒體驗，配合音樂、燈光、色彩嘅運用，令客人可以釋放壓力，達到身心靈得到療癒嘅效果。
▲雖然係Cafe，但其實佢主要喺俾人同貓頭鷹互動，所以唔會提供任何餐飲。
▲收費為1500円一小時（已含稅）時段方面，由12:00-19:00，每一個小時為一時段。由秋葉原車站行過去亦只需五分鐘，非常方便！
▲現場仲有唔同嘅精品出售，如果你係貓頭鷹迷，相信唔會失望！
預約方法：只需將預約資料Send去佢地Email就可以。（最少提前3日預約）網站亦都有中英日語選擇，唔駛擔心睇唔明！
Akiba Fukurou
地址： 東京都千代田区神田練塀町67
開放時間：12:00-18:00 (平日）12:00-19:00 (星期六日） 逢星期二休息
相關文章：
【日本｜滋賀。雲上的世界☁激靚琵琶湖露天Cafe】
【日本|和歌山。円月島白浪濱😲】