呢間位於荃新天地二期嘅拉麵店，主打札幌拉麵同各式定食！「招牌牛油拉麵」其實係白味噌湯底，配上溶化的牛油，入口好順滑，叉燒亦非常入味軟腍！正常拉麵價錢仲有多一個小食，算係豐富抵食之選！🍜
▲Lunch Set 招牌牛油拉麵 ($68)配料海帶、粟米、荀份量算多，而且粟米夠大粒香甜，並非次貨！叉燒睇落無多餘脂肪，入口好鬆軟，唔會又乾又柴，用筷子都可輕易分開，夠入味，唔錯！
▲白味噌湯底，唔算太濃味，岩岩好，牛油溶左之後成個湯底充滿牛油香，食落好順滑，亦唔會過膩，拉麵麵質偏腍身。
▲網燒雪花牛扒定食 ($88) 配菜有漬物、薯仔沙律、麵豉湯！全部水準都唔錯，尤其喜愛日式薯仔沙律，夠滑溜！
▲雪花牛扒睇落燒得好似過乾，但食落其實一啲都唔乾！牛味頗濃，有油香，有燒汁墊底，好好送飯！
▲Lunch Set拉麵仲可以跟一個小食，見好多人都點北海道南瓜炸薯餅，跟風試一下！薯餅炸得好香脆，而且南瓜味勁濃，夠滑，熱辣辣食好正！
▲貪心地加 $22 叫多左個炸蠔，炸蠔雖然唔算大粒，但炸漿算適中，點埋沙律醬都幾滋味！
▲其實呢度嘅Lunch Set仲有好多選擇，好似拉麵、烏冬、咖喱、便當等咩都有，價錢範圍由$49-$88！重點係好多都有好高自由度，好似有10幾款拉麵搭10⼂款唔同嘅小食，便當入面嘅小菜亦可以自由選擇等！以呢個價錢可以食到咁多野，算係豐富加抵食！
札幌拉麵 Miso No.1
地址：荃灣楊屋道18號荃新天地二期UG59號舖
文字／圖片來源：香港人.遊香港