睇日落嘅首選
係日本有好多睇風景嘅地方，而且有陣時無咁多遊客，你就可以獨自享受美景。位於岡山呢個展望台，擁有好開闊嘅景色，眼前會有一條出名嘅大橋，配上一隻鹹蛋黃，係一流嘅睇日落位，旁邊會有少量坐位，坐低慢慢欣賞日落都得。
▲呢度景觀真係特別好，日落個陣，太陽橙橙紅紅嘅顏色特別靚，加上條橋，簡直加晒分。
▲展望台可以睇到好多小島，遠望可以睇到對岸四國嘅山峰。
▲除咗日落靚，其他時候嘅景色都幾好，呢個時候陽光猛烈但感覺唔曬，藍天白雲映襯下，令人唔想離開。
▲展望台旁邊有望遠鏡可以用黎睇日落。
▲條橋叫瀨戶大橋，係附近島嶼嘅交通樞紐，有兩層，上層係收費通道，下層JR瀨戶大橋線，好彩嘅話仲可以影到JR列車行駛。
鷲羽山展望台
地址: 岡山県倉敷市下津井田之浦
文字來源：香港人.歎世界/圖片來源：blueskyi5121、seijo.ookb、takaryoken1985、naosami02、tetu28go