又到聖誕～又到聖誕～
🦌來自馬來西亞既網友，有一對可愛既活寶貝，其中細女更發揮佢既無限創意，構思加個百力滋做鹿角，就形成呢款聖誕鹿紙杯蛋糕，整黎送禮、party小食，都唔失禮，最緊要係可以同小朋友一齊整，享受親子聖誕時刻。唔少兒童專家都認為，同大人一齊製作食物，能幫助建立小朋友自信心同創造力，仲可以鍛鍊下佢地心智，一舉幾得呀真係！即刻睇下點做先！
材料：
材料 A － 油 40g、牛奶/水/朱古力奶 40g、可可粉或唂咕粉 13g、低筋麵粉 50g、全蛋 1隻、蛋黃 3隻
材料 B － 蛋白 3隻、幼糖 42g
裝飾－百力滋 少量、朱古力 少量
▲油加熱至起紋關火，篩入全部粉類//150度10-15分鐘加熱
▲全蛋+蛋黃拌勻，後加牛奶 將朱古力面糊加入拌至冇粒，備用。
▲蛋白加糖打分2-3次加入
▲打至濕性發泡，勾勾向下
▲蛋白糊分3-4次加入朱古力糊 倒7成滿，入爐前凳一凳走內有空氣。
▲先用110度焗20分鐘、轉120度焗20分鐘、再轉150度焗10分鐘，最後調至160度焗5-10分鐘，全程大約55-60分鐘，關火5分鐘唔好開爐住。
▲用朱古力 或百力滋 裝飾蛋糕，就完成左咁可愛既鹿仔蛋糕！