賞櫻必搭 近距離接觸櫻花
位於日本京都嘅呢架小火車，就啱晒一啲想係日本靜靜咁欣賞風景嘅遊客，小火車秋天啱晒睇楓葉，春天啱晒睇櫻花，整段路風景非常亮麗。呢架小火車車票非常熱門，所以大家要提早做好準備啊！小火車車程約25分鐘，除咗起點車站會有三站，係呢一段時間入面，希望你有難忘嘅回憶！
▲小火車車身都好靚，係一架好有特色嘅小火車，火車迷都一定要一齊合照一下。
▲呢度賞櫻係大熱門，可以近距離賞櫻花，而且除咗櫻花，火車仲會經過一啲山山水水，包保大家影到唔想影。
▲龜岡站係終點站，係日本狸貓係吉祥物黎，站上有好多大大小小嘅狸貓雕像，個樣勁可愛，好似歡迎緊遊客。
▲嵐山站竹林之道，高高嘅竹林真係好靚好有氣勢，真係要影相留念。
▲嵐山站嘅野宮神社，呢個係俾人求愛情同考試運嘅地方，情侶學生記得唔好走寶。
嵯峨野小火車
地址: 京都市右京區嵯峨天龍寺車道町
文字來源：香港人.歎世界/圖片來源：emily_90728、siaofang_1117、bvbarmy_nana、kaeru_rika、yasuko_hachi
—————————————————————
相關文章：
【日本|山梨。富士山河口湖絕美景色】
【日本|橫濱。玩粉紅Barbie食粉紅咖喱！】
—————————————————————