![](http://hkppltravel.com/wp-content/uploads/2017/10/屏山長龍冰室嘆招牌菠蘿包!-1024x575.jpg)
原來發哥係常客!👍
是咁的,話說小編正打算去新界一帶,揾條靚靚行山路線(趕住交稿老總),見時間尚早,搵地方食返個靚早餐先! 經過屏山一帶, 見到有間茶餐廳門口有一大班人等候,即管又攞個籌試下先! 小編叫咗招牌菠蘿包、雞翼豬扒蕃茄通粉、雞翼豬扒芫茜皮蛋米粉、咸牛肉豬仔包…..真係超好味! 呢間冰室出哂名要排隊輪候,不過等候期間,店員優先派發餐牌,幫客人預先入單,所以ㄧ坐低就有得食,不過記住一次過入定啊,如果唔係又要再等過!
佢哋有三間分店,而屛山呢一間 中午一點至兩點係佢哋嘅食飯時間,所以會暫停營業,而三間都係逢星期日都會休息。要留意啊!
最最最驚喜係食完之後喺門口仲見到發哥,第一時間箭步衝上去,同發哥合照,打打卡。 店員話畀我聽,原來呢度係發哥經常嚟幫襯嘅地方。今次真係一次過滿足曬兩個願望。
![](http://hkppltravel.com/wp-content/uploads/2017/10/1-豬扒雞翼蕃茄通粉_-湯底採用新鮮蕃茄嚟釀製味道濃郁_豬扒煎得啱啱好_好香口又唔韌_豉油雞翼甜美_雞肉嫩滑-1024x768.jpg)
▲豬扒雞翼蕃茄通粉($44),湯底採用新鮮蕃茄嚟釀製味道濃郁,豬扒煎得啱啱好香口又唔韌,豉油雞翼甜美、雞肉嫩滑
![](http://hkppltravel.com/wp-content/uploads/2017/10/2-招牌菠蘿包-香脆菠蘿包裏面夾雜一舊新鮮嘅牛油_-又有新鮮嘅番茄同埋流心蛋_-酸酸甜甜嘅配搭令人胃口大增_十分美味-1024x768.jpg)
▲招牌菠蘿包($18)香脆菠蘿包裏面夾雜一舊新鮮嘅牛油,又有新鮮嘅番茄同埋流心蛋,酸酸甜甜嘅配搭令人胃口大增!十分美味!
![](http://hkppltravel.com/wp-content/uploads/2017/10/14-招牌菠蘿包-新界區享負盛名無人不識-1024x768.jpg)
▲招牌菠蘿包,新界區享負盛名無人不識.
![](http://hkppltravel.com/wp-content/uploads/2017/10/3-雞翼豬扒皮蛋芫茜湯底米粉-睇個賣相就已經令人哋口水流-_整隻皮蛋好咬口_芫茜湯底十分味美_-配搭香煎豬扒再加上嫩滑豉油雞翼簡直係人間嘅美食-1024x768.jpg)
▲雞翼豬扒皮蛋芫茜湯底米粉($41)睇個賣相就已經令人哋口水流,整隻皮蛋好咬口,芫茜湯底十分味美,配搭香煎豬扒再加上嫩滑豉油雞翼簡直係人間嘅美食
![](http://hkppltravel.com/wp-content/uploads/2017/10/4-招牌蛋沙律多士-外面係爽脆多士_內層係冰凍沙律再加上嫩滑雞蛋-外熱內凍-口感一流-1024x768.jpeg)
▲招牌蛋沙律多士($21)-外面係爽脆多士,而內層係冰凍沙律再加上嫩滑雞蛋外熱內凍、口感一流
![](http://hkppltravel.com/wp-content/uploads/2017/10/5-招牌芝士蛋鹹牛肉豬仔包_-外面係熱辣辣爽脆嘅豬仔包_裏面夾雜免治咸牛肉_再加一塊半溶嘅香滑芝士_-ㄧ啖咬落去_嘩-真係好味到難以形容-1024x768.jpeg)
▲招牌芝士蛋鹹牛肉豬仔包($20)外面係熱辣辣爽脆嘅豬仔包,裏面夾雜免治咸牛肉,再加一塊半溶嘅香滑芝士,ㄧ啖咬落去!嘩!真係好味到難以形容!
![](http://hkppltravel.com/wp-content/uploads/2017/10/6-冰花奶茶-茶味濃郁-淡奶嫩滑-加上冰花_當吸入口中_入口即溶。-凍檸檬益力多-酸酸甜甜-生津解渴-口感一流-768x1024.jpeg)
▲前:冰花奶茶($20)茶味濃郁、淡奶嫩滑,加上冰花,當吸入口即溶。後:凍檸檬益力多,口味酸酸甜甜、生津解渴,口感一流。
![](http://hkppltravel.com/wp-content/uploads/2017/10/8-攞個唔少飲食評審獎項-1024x768.jpg)
▲攞個唔少飲食評審獎項
![](http://hkppltravel.com/wp-content/uploads/2017/10/11-經常都要排隊進入-不過服務員都好有效率_為等候人士先落單_-一埋位坐食物就立即奉上-時間夾得啱啱好-1024x768.jpg)
▲經常都要排隊進入,不過服務員都好有效率,為等候人士先落單,一埋位坐食物就立即奉上-時間夾得啱啱好。
![](http://hkppltravel.com/wp-content/uploads/2017/10/12-店員說原來發哥是常客_經常都會到訪_-牆上亦有發哥用膳相片-1024x768.jpg)
▲店員說原來發哥是常客,經常都會到訪,牆上亦有發哥用膳相片
![](http://hkppltravel.com/wp-content/uploads/2017/10/15-發哥原來是常客-如果去幫襯_好彩的話-仲可以野生捕獲發哥添-1024x768.jpeg)
▲發哥原來是常客,如果去幫襯又好彩的話,仲可以野生捕獲發哥添!
華嫂冰室
地址:屏山元朗屏山坑頭村
電話:2617 2232
文字/圖片來源:香港人.遊香港 & 小牛牛快樂行山郊遊相集by Chan Keung