實景人體補HP血量💉
係遊戲世界入面，好多時候聽到補血呢個字。今次唔係幫你角色補HP，而係你自己Body。位於天水圍新北江廣場，有一間古靈精怪的飲品店，售賣血包。吓！犯法架喎！發完夢未吖，傻仔！人哋係果汁血包包裝，特色呢加嘢你識條鐵咩。這間店有4款血包果汁口味，每款口味都唔同顏色，有紅橙藍綠色。另外，仲有彩色乳酪沙冰、人氣燈泡梳打和果茶。
▲血包飲品唔係好貴，$20蚊就可以幫你Body補血喇。紅色血包係吸血鬼貴族的士多啤梨果汁，Halloween嚇人都唔錯。橙色當然橙味啦！
▲沒有古怪，只有最古怪。無論你要咩顏色，血包飲品一律同價$20蚊。藍色血包看似好恐怖，其實係檸檬味。如果你係外星人粉絲，夠膽就試下綠色血包青瓜味， 飲唔曬嘅，血包有鎖喉可以lock拎返屋企飲。
▲除咗古怪血包，都仲有精緻的飲品嘅。少女鐘意的梳打燈泡飲品，配上顏色鮮豔的飲管，賣相美美，只係$18-20蚊左右。
▲彩色乳酪沙冰（$22-26），棉棉冰的口感，味道層次豐富。一包包的沙冰唔駛去葵廣都飲到。
菓度 (已結業)
地址：天水圍新北江商場地下A89a鋪(校服店旁)
電話：6762 8612
文字來源：香港人.遊香港／圖片來源：gordou_fruitkingnice