暢玩百年歷史主題樂園
位於大阪府枚方市嘅枚方公園，已經逾百年歷史，陪伴當地人成長。去大阪想玩環球影城嘅家庭，都可以有多一個選擇黎枚方公園玩，公園園內有逾40個遊戲設施，既有驚險嘅機動遊戲，亦有啱晒小朋友玩嘅得意設施。園內又有小型動物園、玫瑰園參觀，包保一家人都玩得開心。
▲呢到嘅摩天輪相當鬼馬，除左登上後可以觀看清楚大阪市景色，摩天輪40個車廂之中，有4架係黑色嘅，係入面係睇唔到窗外景色。
▲一個必去地點就係玫瑰園。透過園方人員努力研究，現時入面玫瑰種類高達600種之多，而且係適當季節去仲有櫻花睇，所以玫瑰園成為枚方公園其中一個著名賣點。
▲呢個紅色車身嘅過山車最受歡迎，但唔係高速所以先多人玩。係因為木製過山車黎，過程中會Feel到搖晃吱吱聲咁，特別緊張。
▲枚方公園內有逾10間餐廳，又有雪糕食，價錢合理，味道唔係太差，餐廳亦有好多坐位食飯，大家就唔會太過擠逼。
大阪枚方公園
地址: 大阪府枚方市枚方公園町1-1
網址: http://www.hirakatapark.co.jp/