最愛台灣美食！
台灣太太Apple係九龍地開業已經一段時間，牛肉麵、滷肉飯、滷水小菜、甜不辣、台灣香腸等台灣特色菜都有供應，滷肉飯最受歡迎，每日只有數十份，賣完即止！另外必試招牌焢肉飯，飯上鋪咗三塊肥瘦均勻嘅滷豬肉，肥膏入口即化，瘦肉又唔會太乾，食落停唔到口！仲想食嘅可以叫多個鹽酥雞，外層酥脆，雞肉充滿香料，超惹味！
▲紅燒牛肉麵 ($52)，牛骨湯底係Apple用成啖心機熬成，真係忍唔住成碗飲哂！牛𦟌肉味十分濃郁豐厚，配上特製上海麵，牛骨湯同紅燒牛肉汁十分配調，。
▲滷肉麵($33) 鹹香滷肉充滿台灣夜市風味，Apple仲自己研發微酸醃瓜拌一齊食。
▲Apple因為想念家鄉的美味，最初同朋友合租只做晚市，開店不久就好受歡迎，每晚食物都好快賣完，見咁受歡迎於是就另覓新鋪將台灣美食繼續發揚光大。
▲經常係九龍城出沒的發哥都有光顧過架！
台灣蘋果姐姐牛肉麵滷肉飯
地址：九龍城城南道44號
電話： 54225422
時間： 12:00 – 22:00
文字來源：香港人.遊香港／圖片來源：香港人.遊香港 及 網上圖片
—————————————————————
相關文章：
【元朗馳名醉雞】
【龍城中的曼谷風味🍜】